អង់គ្លេស៖ យោងតាមការចេញផ្សាយពី គេហទំព័រស្គាយញ៉ូវបានប្រាប់ឲ្យថា សំណល់ប្លាស្ទិកដែលលាតសន្ធឹង អាចត្រូវបានគេគូសវាសចេញពីលំហរ ដោយសារឧបករណ៍ថ្មី ដោយប្រើរូបភាពផ្កាយរណប និងបញ្ញាសិប្បនិមិត្ត ត្រូវបានគេជឿថា ជាពិភពលោកដំបូងគេ។
ក្រុមឃ្លាំមើលប្លាស្ទិចសកល បានចាប់ផ្តើមលើដំណើរទេសចរណ៍និម្មិត នៃគេហទំព័រនេះ មុនពេលវាបើកដំណើរការ ដោយបង្ហាញពីទីតាំងសំណល់ប្លាស្ទិក រាប់រយកន្លែងនៅរាយប៉ាយជុំវិញពិភពលោក។ ពីការដុតកាកសំណល់នៅ លើឆ្នេរស្រីលង្កាទៅកាន់ទីតាំង របស់ឥណ្ឌូនេស៊ីលិចចូលទៅក្នុងទន្លេមួយ អង្គការឃ្លាំមើលផ្លាស្ទិកសកល (GPW) អាចរកឃើញទីតាំងតូចៗត្រឹម៥ គុណនឹង ៥ ម៉ែត្រ ដោយបង្ហាញពួកវាលើផែនទីអន្តរកម្មនៃ ប្លាស្ទិកជាសាកលក្នុងពេលជាក់ស្តែង។
លោក Fabien Laurier ស្ថាបត្យករសំខាន់នៃ GPW បានពន្យល់ថា វាមិនមែននិយាយអំពីការដាក់ឈ្មោះ និងការបង្អាប់ទេ ប៉ុន្តែការផ្តល់អំណាចដល់រដ្ឋាភិបាល ជាមួយនឹងព័ត៌មានដើម្បី ជួយដោះស្រាយបញ្ហា។ ឧបករណ៍សាធារណៈឥតគិតថ្លៃដោយផ្តល់មូលនិធិ ទាំងស្រុងដោយមូលនិធិសប្បុរសធម៌ Australian Minderoo ត្រូវបានរចនាឡើង ដើម្បីជួយបញ្ឈប់ប្លាស្ទិកមិនឲ្យហូរ ចូលទៅក្នុងមហាសមុទ្រ។ វាត្រូវបានអបអរសាទរ ដោយអង្គការសហប្រជាជាតិ។
លោកស្រី Kakuko Nagatani-Yoshida មកពីកម្មវិធីបរិស្ថានរបស់ អង្គការសហប្រជាជាតិបានប្រាប់ Sky News ថា វាពិបាកក្នុងការគ្រប់គ្រងអ្វីដែល អ្នកមិនអាចវាស់វែងបាន ឬសូម្បីតែកំណត់ទីតាំង។ នាងសង្ឃឹមថា រដ្ឋាភិបាលនឹងប្រើប្រាស់បច្ចេកវិទ្យាទំនើបបំផុត ដើម្បីកាត់បន្ថយការចោលសំរាមបើកចំហ និងការដុតកាកសំណល់ ៕
ដោយ៖ លី ភីលីព
