ចិន៖ យោងតាមការចេញផ្សាយ ពីគេហទំព័រឆៃណាឌៀលី បានប្រាប់ឲ្យដឹងថា ក្នុងឱកាសនៃទិវាបរិស្ថានពិភពលោក គណៈកម្មាធិការអូឡាំពិកអន្តរជាតិ បានសរសើរ Beijing 2022 សម្រាប់កិច្ចខិតខំប្រឹងប្រែងរបស់ខ្លួន ក្នុងការប្រើប្រាស់កាបូនទាប ការការពារបរិស្ថាន និងការអភិវឌ្ឍប្រកបដោយចីរភាព សម្រាប់អត្ថបទមួយបានចេញផ្សាយ នៅលើគេហទំព័រផ្លូវការរបស់ខ្លួន។
ការស្រាវជ្រាវរបស់ IOC បានបង្ហាញថា ៨៥ ភាគរយ នៃកន្លែងអចិន្រ្តៃយ៍ទាំងអស់ប្រើប្រាស់ ព្រឹត្តិការណ៍កីឡាអូឡាំពិកពីទីក្រុង Athens ១៨៩៦ ដល់ Pyeongchang 2018 ហើយ ៩២ ភាគរយនៃទីកន្លែងអចិន្ត្រៃយ៍ ដែលប្រើប្រាស់ក្នុងសតវត្សទី ២១ នៅតែប្រើប្រាស់ដដែល។ IOC បាននិយាយថា បន្ទាប់ពីការប្រកួតបានបញ្ចប់ នៅទីកន្លែងនានាអាចឲ្យសហគមន៍ ក្នុងតំបន់អាចលេងកីឡាបានកាន់តែច្រើន និងចូលរួមក្នុងសកម្មភាពរាងកាយ ពួកគេក៏បង្កើតការងារ និងជួយបង្កើតទីក្រុង និងតំបន់ឡើងវិញ។
លើសពីនេះ តាមរយៈការបង្ហាញគំនិត និងបច្ចេកវិទ្យាថ្មីៗ កន្លែងអូឡាំពិកបង្ហាញពីដំណោះស្រាយ សម្រាប់កាត់បន្ថយការប្រើប្រាស់ថាមពល និងឧស្ម័នផ្ទះកញ្ចក់។ អត្ថបទនេះបាននិយាយថា មជ្ឈមណ្ឌលជលផលជាតិ របស់ទីក្រុងប៉េកាំង ត្រូវបានគេស្គាល់ថា ជា “ដុំទឹកកក” និង “គូបទឹក” ប្រើប្រាស់សម្ភារៈ និងបច្ចេកទេសទំនើបបំផុត ដើម្បីកាត់បន្ថយការប្រើប្រាស់ ថាមពលរហូតដល់ ៣០ ភាគរយ។
ត្រូវបានបំផុសគំនិតដោយពពុះ ជញ្ជាំងនៃមជ្ឈមណ្ឌលប្រើប្រាស់ អេទីលតេត្រូហ្វ្លុយអូអេទីឡែន មានទម្ងន់ត្រឹមតែមួយភាគរយ នៃកញ្ចក់ ប៉ុន្តែជាអ៊ីសូឡង់កម្ដៅល្អជាងមុន ជួយស្រូបថាមពលពន្លឺព្រះអាទិត្យ និងធ្វើឲ្យពន្លឺថ្ងៃចូលក្នុងអគារ ដូច្នេះសន្សំសំចៃថាមពល ឬកម្ដៅ និងពន្លឺផងដែរ។
អ្នករចនានិយាយថា ការបង្កើតថ្មីបន្ថែមទៀត រួមមានប្រព័ន្ធស្តារថាមពល និងប្រព័ន្ធកែច្នៃទឹក។ អគារនេះគឺជាអគារមួយ ក្នុងចំណោមអគារ ដែលធន់នឹងការរញ្ជួយដីបំផុត របស់ពិភពលោកផងដែរ។ ជាផ្នែកមួយនៃកិច្ចខិតខំប្រឹងប្រែង របស់ Beijing 2022 ដើម្បីកាត់បន្ថយការបំភាយឧស្ម័ន កន្លែងជិះស្គីទឹកកកចំនួន ៤ បានប្រើប្រាស់ឧស្ម័នកាបូនិកធម្មជាតិ ប្រកបដោយការច្នៃប្រឌិត៕ ដោយ៖លី ភីលីព
