រូបថត គួរឲ្យចាប់អារម្មណ៍ បង្កើតឡើង ដោយពេទ្យសត្វបង្ហាញ ពីរបៀបសត្វឆ្កែ របស់យើងមើលឃើញ ពិភពលោកធៀប នឹងមនុស្ស

អង់គ្លេស ៖ នេះបើយោង តាមការចេញ ផ្សាយពីគេហទំព័រឌៀលីម៉ែល បានប្រាប់ឲ្យដឹងថា រូបភាពមិនគួរឲ្យជឿ នៃកន្លែងទេសចរណ៍ ដ៏ពេញនិយមរបស់ចក្រភព អង់គ្លេស បង្ហាញពីរបៀបដែលកូនឆ្កែមើល ឃើញតែពណ៌លឿង និងពណ៌ខៀវ និងមានចក្ខុវិស័យព្រិលៗ ជាងមនុស្សដល់ទៅ៨ដងឯណោះ ។

Rhian Rochford ពេទ្យសត្វមកពីក្រុមហ៊ុនអនឡាញ PocketVet បាននិយាយថា សត្វឆ្កែពិការភ្នែកពណ៌ អាចមើលបានតែពណ៌លឿង និងពណ៌ខៀវដូច ដែលបានបង្ហាញក្នុងរូបថតជាបន្តបន្ទាប់ នៃកន្លែងទេសចរណ៍ពេញនិយមរួម មានឧទ្យានជាតិ Peak District, Brighton Pier និង Durdle Door។ សត្វឆ្កែមានចក្ខុវិស័យតែ២ពណ៌មានន័យថា ពួកគេមើលឃើញតែ២ពណ៌តែប៉ុណ្ណោះ ។

នៅពេលដែលមនុស្ស មើលឃើញជា៣ពណ៌ ខៀវ លឿង និងក្រហម ចំណែកជំនួសឲ្យការមើលឃើញពណ៌ក្រហម ឆ្កែនឹងឃើញពណ៌ត្នោតងងឹត។ ពណ៌បៃតងនឹង ត្រូវបានគេមើលឃើញថា ជាពណ៌ត្នោតខ្ចី និងពណ៌ស្វាយប្រែក្លាយជាពណ៌ខៀវ។

នៅផ្នែកខាងក្រោយ នៃភ្នែកមនុស្សមានសរសៃចក្ខុវិស័យ ជាអ្វីដែលឆ្លើយតបទៅនឹងពន្លឺចាំងចូល ហើយអ្នកប្រើដើម្បីចាប់ពណ៌ ត្រូវបានគេហៅថា ‘កោណ’ ។ ហេតុផលដែលចក្ខុវិស័យ របស់សត្វចិញ្ចឹមរបស់អ្នកខុសគ្នា ដោយសារតែពួកវាមានកោណ២ប្រភេទ ចំណែកមនុស្សមាន៣ ៕ដោយ៖លី ភីលីព