The Sunsports ចេញផ្សាយនៅ ថ្ងៃពុធទី១១ខែធ្នូនេះបានឲ្យដឹងថាក្រោយ ការបណ្តេញចេញជាផ្លូវការពីក្លឹប Napoli កាលពីយប់ថ្ងៃអង្គារ មកលោក Carlo Ancelotti ពេលនេះត្រូវបានគេជឿជាក់ថា កំពុងទាក់ទង និងពិភាក្សាគ្នាជាមួយ នឹងក្លឹបកាំភ្លើងធំArsenal។
លោក Ancelotti ក្នុងវ័យ ៦០ឆ្នាំបានជួយ ឲ្យ Napoli ឡើងទៅដល់វគ្គ ១៦ក្រុមចុងក្រោយ នៃព្រឹត្តិការណ៍ Champion League ប៉ុន្តែមិនគ្រប់គ្រាន់ល្មម សម្រាប់ប្រធានក្លឹបលោក Aurelio Di Laurentiis ឡើយហើយការប្រកា សបណ្តេញចេញ ត្រូវបានធ្វើឡើង ដោយគណនេយ្យបណ្តាញ សង្គមរបស់ក្លឹប។
ក្រៅតែពីបុរសរូបនេះ ក្លឹបកាំភ្លើងធំArsenalក៏ទើបតែបញ្ចប់កិច្ចពិភាក្សាគ្នាជាមួយនឹងបេក្ខភាពជាច្រើននាក់ទៀត ដូចជាលោក Marcelino អតីតគ្រូបង្វឹកក្លឹប Valencia និងលោក Vitor Pereira របស់ក្លឹប Porto និងលោក Paulo Sousa របស់ក្លឹប Bordeaux ផងដែរ៕
ប្រែសម្រួល:ស៊ុនលី
