អង់គ្លេស ៖ នេះបើយោងតាមការចេញផ្សាយ ពីគេហទំព័រឌៀលីម៉ែល បានប្រាប់ឲ្យដឹងថា អាជ្ញាកណ្តាលបល់ទាត់ ដែលចូលនិវត្តន៍លោក Mike Dean កំពុងបន្តការងារ នៅព្រឹត្តិការណ៍ ការប្រកួត កីឡាបាលទាត់ Premier League របស់អង់គ្លេស បន្ទាប់ពីបាន ចុះហត្ថលេខា លើកិច្ចព្រមព្រៀងមួយ ដើម្បីក្លាយជា VAR ពិសេសនៅរដូវកាល ក្រោយនេះ Sportsmail អាចបង្ហាញ ។
លោក Dean វ័យ ៥៤ ឆ្នាំ បានចូលនិវត្តន៍ពីអាជ្ញាកណ្តាល នៅចុងបញ្ចប់ នៃយុទ្ធនាការចុងក្រោយ បន្ទាប់ពីការងារ អស់រយៈពេល ២២ ឆ្នាំ នៃការបំពេញមុខងារ នៅលើទីលានក្នុងក្របខណ្ឌកំពូល ។ ការប្រកួតលើកទី ៥៦០ និងចុងក្រោយរបស់លោក គឺការប្រកួត Chelsea ទល់នឹង Watford នៅ Stamford Bridge កាលខែឧសភា ។
ឥឡូវនេះលោក Dean នឹងអនុវត្តបទពិសោធន៍ដ៏ធំរបស់លោក នៅ Stockley Park ចាប់ពីខែសីហា ហើយវាមិនមែនជាតួនាទីថ្មី ទាំងស្រុងសម្រាប់មន្ត្រី Wirral ដោយបានដើរតួជា VAR ក្នុងឱកាសជាច្រើនចាប់តាំង ពីបច្ចេកវិទ្យាវីដេអូ ត្រូវបានណែនាំ កាលពី៣ឆ្នាំមុន ។
ការផ្លាស់ប្តូរសំខាន់ៗ គឺកើតឡើងនៅ Professional Game Match Officials Limited (PGMOL) ដោយលោក Mike Riley បានលាលែងពីតំណែងជាប្រធាន អាជ្ញាកណ្តាល ចាប់ពីរដូវកាលក្រោយ ។ Howard Webb ត្រូវបានផ្សារភ្ជាប់ ជាមួយនឹងការជំនួស Riley នៅពេលកិច្ចសន្យា MLS របស់លោកនៅសហរដ្ឋអាមេរិក ផុតកំណត់ក្នុងខែធ្នូ ៕ដោយ៖លី ភីលីព
