រដ្ឋកាលីហ្វ័រញ៉ា ៖ ក្រុមហ៊ុន Apple នឹងដាក់ចេញនូវជម្រើសមុខងារ ចាក់សោរសម្រាប់កុំព្យូទ័រ iPhones, iPads និង Mac មានបំណងការពារ ប្រឆាំងនឹង spyware បញ្ចេញដោយពួក Hacker ដែលឧបត្ថម្ភដោយរដ្ឋ ទោះបីជាការបើកការ ការពារនោះក៏នឹងធ្វើឲ្យ ឧបករណ៍ទាំងនេះ មិនសូវមានប្រយោជន៍ ក៏ដោយយោងតាមការចេញផ្សាយ ពីគេហទំព័រជប៉ុនធូដេ ។
ការការពារបានប្រកាសហើយ នេះគឺជាការទទួលស្គាល់យ៉ាងតឹងរ៉ឹង របស់ក្រុមហ៊ុន Apple ជាក្រុមហ៊ុនដ៏មានតម្លៃបំផុត របស់ពិភពលោក មិនអាចការពារបានគ្រប់គ្រាន់ iPhone និង ផលិតផលផ្សេងទៀត របស់ខ្លួនប្រឆាំងនឹងការឈ្លានពានពីពួក Hacker គាំទ្រ ដោយរដ្ឋ និង spyware ពាណិជ្ជកម្ម ។ រដ្ឋាភិបាលបានប្រើប្រាស់ ឧបករណ៍ទាំងនេះ ដើម្បីរំលោភលើឯកជនភាពរបស់អ្នកសារព័ត៌មាន អ្នកប្រឆាំង នយោបាយ និងសកម្មជនសិទ្ធិមនុស្ស ។
មុខងារថ្មីដែលហៅថា ” ចាក់សោរ” “lockdown mode,” ដំបូងនឹងត្រូវបានផ្តល់ជូនជាកំណែសាកល្បង ដើម្បីឲ្យអ្នកស្រាវជ្រាវសុវត្ថិភាពអាចជួយ Apple កំណត់អត្តសញ្ញាណ កំហុស ឬ ចំណុចខ្សោយណាមួយ ។ Apple ជាធម្មតាបញ្ចេញការអាប់ដេត សំខាន់ៗរបស់ខ្លួនចំពោះប្រព័ន្ធ ប្រតិបត្តិការឧបករណ៍ របស់ខ្លួន នៅចុងខែកញ្ញា ។
ប្រទេសមួយចំនួន តូចហាក់ ដូចជាមានធនធានសម្រាប់បង្កើត ឧបករណ៍លួចចូលទូរស័ព្ទក្នុងផ្ទះ ក្រុមហ៊ុនឯកជនដូចជា NSO Group របស់អ៊ីស្រាអែល បានលក់ កម្មវិធីលួចស្តាប់ទូរស័ព្ទ ទៅទីភ្នាក់ងាររដ្ឋាភិបាលជុំវិញពិភពលោក អស់ជាច្រើនឆ្នាំ ។ បញ្ហាកំពុងកើនឡើង របស់ពួក Hacker សម្រាប់ជួល បានជំរុញឲ្យ Apple ដាក់ពាក្យប្តឹងសហព័ន្ធកាលពីចុងឆ្នាំមុនប្រឆាំងនឹង NSO Group សម្រាប់ការ លួចចូល iPhone និងផលិតផល Apple ផ្សេងទៀត។
ចំពោះពាក្យបណ្តឹង របស់ខ្លួន ក្រុមហ៊ុន Apple បានចោទប្រកាន់បុគ្គលិក NSO Group ថា ជា ទាហានស៊ីឈ្នួលក្នុងសតវត្សទី ២១ ប្រកបដោយ មនោសញ្ចេតនា បានបង្កើតគ្រឿង ម៉ាស៊ីនឃ្លាំមើល តាមអ៊ីនធើណេត ដ៏ទំនើប ដែលទាក់ទាញឲ្យមានការរំលោភ បំពានជាប្រចាំ និងជាក់ស្តែង។
NSO ត្រូវបានចុះក្នុងបញ្ជីខ្មៅ ដោយក្រសួង ពាណិជ្ជកម្ម សហរដ្ឋអាមេរិក បានបដិសេធរាល់ការប្រព្រឹត្តខុស ហើយបាននិយាយថា ផលិតផលរបស់ខ្លួន ត្រូវបានប្រើប្រាស់ដើម្បីរារាំង អ្នករំលោភបំពានកុមារ និងភេរវករ ៕ដោយ៖លី ភីលីព
