អង់គ្លេស៖ យោងតាមការចេញផ្សាយពីគេហទំព័រស្គាយញ៉ូវបានប្រាប់ឲ្យដឹងថា ការប្រាក់ដែលត្រូវបង់លើការខ្ចីប្រាក់របស់ រដ្ឋាភិបាលបានកើនឡើងចំនួន ១០.៣ពាន់លានផោនធៀប នឹងពេលវេលានេះកាលពីឆ្នាំមុនដោយភាគច្រើនដោយសារ តែអតិផរណាកើនឡើងយ៉ាងឆាប់រហ័ស។
ការខ្ចីប្រាក់របស់រដ្ឋាភិបាលមានចំនួន ២២.៩ពាន់លានផោន កាលពីខែមុនដែលជាការខ្ចីប្រាក់ខែមិថុនាខ្ពស់បំផុតទី២ចាប់តាំងពីកំណត់ត្រាប្រចាំខែបានចាប់ផ្តើមកាលឆ្នាំ ១៩៩៣។ការិយាល័យស្ថិតិជាតិបាននិយាយថា ការខ្ចីប្រាក់មានចំនួន ៤.១ពាន់លានផោនកាលខែមិថុនាច្រើនជាងខែដូចគ្នាកាលពីឆ្នាំមុន។
ការប្រាក់ដែលត្រូវបង់បានកើនឡើងចំនួន ១០.៣ ពាន់លានផោនធៀបនឹងពេលនេះកាលពីឆ្នាំមុនដែលឈានដល់ចំនួនសរុប ១៩.៤ពាន់លានផោនក្នុងខែមិថុនាតែម្នាក់ឯង។ ONS បាននិយាយថា ការកើនឡើងនៃថ្លៃដើមបំណុល ដោយសារតែការកើនឡើងដ៏ធំកាលខែមេសាក្នុងរង្វាស់សន្ទស្សន៍តម្លៃលក់រាយនៃអតិផរណាជាគោលសម្រាប់សញ្ញាប័ណ្ណរដ្ឋាភិបាលដែលភ្ជាប់ដោយសន្ទស្សន៍។
អធិការបតីលោក Nadhim Zahawi បាននិយាយថា យើងទទួលស្គាល់ថាមានហានិភ័យចំពោះហិរញ្ញវត្ថុសាធារណៈរួមទាំងពីអតិផរណាជាមួយនឹងតម្លៃការប្រាក់បំណុលកាលខែមិថុនាច្រើនជាង២ដងនៃកំណត់ត្រាប្រចាំខែមុន។ នោះហើយជាមូលហេតុដែលរដ្ឋាភិបាលបានចាត់វិធានការដើម្បីពង្រឹងហិរញ្ញវត្ថុសាធារណៈហើយនៅក្នុងការព្យាករណ៍ចុងក្រោយបំផុតរបស់ពួកគេ OBR (ការិយាល័យសម្រាប់ការទទួលខុសត្រូវថវិកា) បានវាយតម្លៃថាយើងកំពុងស្ថិតនៅលើផ្លូវដើម្បីដកបំណុល៕
