សេអ៊ូល៖ បើយោងតាមចេញផ្សាយផ្លូវការ របស់គេហទំព័រកម្សាន្តកូរ៉េខាងត្បូង Allkpop បានប្រាប់ឲ្យដឹងថា នៅថ្ងៃទី១៨ ខែសីហា ឆ្នាំ២០២២ រូបថតរបស់មនុស្ស២នាក់ កំពុងដើរចាប់ដៃគ្នានៅតាមដងផ្លូវ នៃទីក្រុងសេអ៊ូលបានធ្វើឲ្យមាន ការភ្ញាក់ផ្អើលពេញអ៊ីនធើណេត។
អ្នកនិយមលេងអ៊ីនធើណេតជាច្រើន បានចោទប្រកាន់ថា បុរសដែលថតបាន ក្នុងរូបថតនោះគឺ Kang Seung Yoon សមាជិកក្រុម WINNER កំពុងរីករាយនឹងណាត់ជាមួយមិត្តស្រី។ ទោះបីជាបុគ្គលទាំង២ បានបិទមុខដោយរបាំងមុខក៏ដោយ ក៏ពាក្យចចាមអារ៉ាម បានផ្សព្វផ្សាយយ៉ាងឆាប់រហ័សថា Kang Seung Yoon កំពុងមានទំនាក់ទំនងស្នេហា ជាមួយតារាសម្តែង Moon Ji Hyo ជាមិត្តរួមផលិតកម្មរបស់ផលិតកម្ម YG Entertainment ។
ពាក្យចចាមអារ៉ាមអំពីការណាត់ជួប បានផ្ទុះឡើងរហូតដល់ប្រព័ន្ធផ្សព្វផ្សាយផ្សេងៗ ក៏បានរាយការណ៍អំពីទំនាក់ទំនង ដែលសង្ស័យរបស់សមាជិក WINNER ។ ឆ្លើយតបនឹងរបាយការណ៍នេះ អ្នកតំណាងរបស់ YG Entertainment បានប្រាប់ប្រព័ន្ធផ្សព្វផ្សាយថា វាពិបាកក្នុងការបញ្ជាក់រឿងឯកជន ទាក់ទងនឹងសិល្បកររបស់យើង។
ជាមួយគ្នានេះដែរ តារាសម្ដែង Moon Ji Hyo ធ្លាប់បានបង្ហាញខ្លួនក្នុង MV បទ “Born To Love You” របស់ Kang Seung Yoon នាងបានដើរតួជាគូស្នេហ៍របស់ Kang Seung Yoon ។ Moon Ji Hyo កើតកាលឆ្នាំ ២០០០ ហើយមានអាយុតិចជាង Kang Seung Yoon ដល់ទៅ៦ ឆ្នាំ។ តារាស្រីរូបនេះក៏បានបង្ហាញខ្លួន នៅក្នុងកម្មវិធី ‘School Rapper’ របស់ Mnet កាលឆ្នាំ ២០២១៧ ផងដែរ៕ ដោយ៖លី ភីលីព
