កូរ៉េ ៖ បើយោងតាមចេញ ផ្សាយផ្លូវការ របស់គេហទំព័រ កម្សាន្តកូរ៉េខាងត្បូង Allkpop បានប្រាប់ឲ្យដឹងថា តារាចម្រៀង ស្រីកូរ៉េខាងត្បូងនាង Wonyoung សមាជិកក្រុម IVE ត្រូវបានអ្នកគាំទ្រ សម្គាល់ឃើញថា នាងមានរាងស្លីម និងស្តើងបែបធម្មជាតិ ប៉ុន្តែអ្នកគាំទ្រ ព្រួយបារម្ភអំពីការ ស្រកទម្ងន់នាពេលថ្មីៗ នេះទៅវិញ ។
គួបផ្សំនឹងការមមាញឹកខ្លាំង ដោយសារតែនាង ជាតារាចម្រៀង មានប្រជាប្រិយភាពខ្លាំង ធ្វើឲ្យអ្នកគាំទ្រព្រួយបារម្ភថា នាងស្រកទម្ងន់លើស ពីខ្លួនប្រាណតូចទៅហើយ ។ កាលពីពេលថ្មីៗនេះ នាងត្រូវធ្វើដំណើរ២ឬ៣ដង ទៅប៉ារីសពីប្រទេសកូរ៉េនៅថ្ងៃតែមួយ ។
នាង Wonyoung ជាតារាចម្រៀងវ័យជំទង់ ហើយនាងជា Idol ដ៏ពេញនិយម ដែលមានឥទ្ធិពលខ្លាំង លើយុវវ័យ និងក្មេងៗ អ្នកគាំទ្រព្រួយបារម្ភ អំពីនាងស្គមពេក ។ ជាមួយគ្នានេះនាង Wonyoung បានចាកចេញទៅទីក្រុងប៉ារីស ម្ដងទៀតនៅថ្ងៃទី ២ ខែតុលា ដើម្បីចូលរួមកម្មវិធី Paris Fashion Week ៕
