តៃប៉ិ៖ ទូរទស្សន៍សិង្ហបុរី Channel News Asia បានផ្សព្វផ្សាយព័ត៌មាននៅថ្ងៃទី១០ ខែតុលា ឆ្នាំ២០២២ថា លោកស្រី Tsai Ing-wen ប្រធានាធិបតីកោះតៃវ៉ាន់បានថ្លែងនៅថ្ងៃចន្ទនេះថា សង្គ្រាមរវាងកោះតៃវ៉ាន់ និងប្រទេសចិន គឺ “មិនមែនជាជម្រើសល្អនោះទេ” ខណៈដែលលោកស្រីបានបញ្ជាក់សារជាថ្មីអំពីឆន្ទៈក្នុងការពិភាក្សាជាមួយទីក្រុងប៉េកាំង ហើយថែមទាំងបានសន្យាក្នុងការបង្កើនការការពាររបស់កោះនេះ រួមទាំងជាមួយនឹងអាវុធមីស៊ីលដ៏ជាក់លាក់ផងដែរ។
គួរបញ្ជាក់ថា កោះតៃវ៉ាន់ ដែលប្រទេសចិន បានអះអាងថាជាទឹកដីរបស់ខ្លួន បានស្ថិតនៅក្រោមសម្ពាធកាន់តែខ្លាំងឡើងផ្នែកយោធា និងនយោបាយពីក្រុងប៉េកាំង ជាពិសេសបន្ទាប់ពីការធ្វើសមយុទ្ធសង្រ្គាមរបស់ចិន កាលពីដើមខែសីហា បន្ទាប់ពីដំណើរទស្សនកិច្ចនៅទីក្រុងតៃប៉ិដោយប្រធានសភាសហរដ្ឋអាមេរិក Nancy Pelosi នោះ ។
ជម្លោះណាមួយលើកោះតៃវ៉ាន់អាចអូសបន្លាយ សហរដ្ឋអាមេរិក ជប៉ុន និងប្រហែលជាពិភពលោកជាច្រើន ក៏ដូចជាបំផ្លាញសេដ្ឋកិច្ចពិភពលោក ជាពិសេសដោយសារការទទួលបានតំណែងលេចធ្លោរបស់កោះតៃវ៉ាន់ ជាអ្នកផលិតឧបករណ៍ពាក់កណ្ដាលដែលប្រើក្នុងអ្វីៗគ្រប់យ៉ាងចាប់ពីស្មាតហ្វូន និងថេប្លេត រហូតដល់យន្តហោះចម្បាំងទៀតផង ។
លោកស្រី Tsai នៅក្នុងសុន្ទរកថាថ្ងៃជាតិរបស់លោកស្រី នៅខាងក្រៅការិយាល័យប្រធានាធិបតីក្រោមមេឃពណ៌ប្រផេះបានថ្លែងថា “វាគួរឱ្យសោកស្តាយ” ដែលប្រទេសចិន បានបង្កើនការបំភិតបំភ័យ និងគំរាមកំហែងដល់សន្តិភាព និងស្ថិរភាពនៅក្នុងច្រកសមុទ្រតៃវ៉ាន់ និងតំបន់៕
