The Goal ចេញផ្សាយនៅថ្ងៃនេះ បានឲ្យដឹងថា ក្លឹបមាន់ខ្នាយមាស Spurs នឹងអាចធ្វើការនាំយកកីឡាករ ខ្សែប្រយុទ្ធចំណូលថ្មីម្នាក់ទៀត មករួមក្លឹបជាមិនខាន នៅក្នុងខែមករាខាងមុខដើម្បីបង្កើន គុណភាពប្រយុទ្ធទាំង នៅក្នុងពានរង្វាន់ Champions League និងពានរង្វាន់អង់គ្លេស Premier Leagueផង ។
កីឡាករ Ruslan Malinovskyi ដែលបច្ចុប្បន្ន កំពុងលេងឲ្យក្លឹប Atalanta បានក្លាយទៅជាគោលដៅដ៏មានអទិភាពមួយ សម្រាប់ក្លឹបអង់គ្លេសនេះ ហើយកីឡាករវ័យ២៩ឆ្នាំរូបនេះ ក៏ត្រូវបានគេជឿជាក់ថា នឹងពេញចិត្តពេញថ្លើមជាមួយ នឹងដំណឹងនេះភងដែរ។
គួរឲ្យដឹងដែរថា Spurs ទើបឡើងទៅវគ្គបន្ទាប់គឺ១៦ក្រុមចុងក្រោយ នៃពានរង្វាន់ Champions Leauge ព្រមទាំងឈរនៅលេខរៀងទី៣ បណ្តោះអាសន្ន ក្នុងលីគកំពូលអង់គ្លេសផង ដូចនេះគេជឿជាក់ថា ក្លឹបនឹងមិនមានបញ្ហាឡើយ សម្រាប់ធ្វើការចំណាយនៅ ក្នុងខែមករាខាងមុខនេះ ៕
ប្រែសម្រួល៖ស៊ុនលី
