ដូហា ៖ យោងតាមការចេញផ្សាយ ពីគេហទំព័រឆៃណាឌៀលី បានប្រាប់ឲ្យដឹងថា អ្នកស្រី Stephanie Frappart មកពីប្រទេសបារាំង បានបង្កើតប្រវត្តិសាស្ត្រ បាល់ទាត់ កាលពីថ្ងៃអង្គារ ក្នុងនាមជាស្ត្រីដំបូងគេ បានចូលរួមការប្រកួត បាល់ទាត់ពិភពលោកបុរស នៅពេលអ្នកស្រី បានចូលទីលាន ក្នុងនាមជាផ្លូវការទី៤ សម្រាប់ការប្រកួត រវាងម៉ិកស៊ិក និងប៉ូឡូញ ។
អ្នកស្រី Frappart អ្នកស្រី Yamashita Yoshimi របស់ជប៉ុន និងអ្នកស្រី Salima Mukansanga របស់ Rwanda គឺជាស្ត្រីដំបូងគេត្រូវបានជ្រើសរើស ជាអាជ្ញាកណ្តាល សម្រាប់ការប្រកួត ដ៏ធំបំផុត របស់កីឡាបាល់ទាត់ ។ ពួកគេស្ថិតក្នុងចំណោម អាជ្ញាកណ្តាលសរុប ៣៦ នាក់ សម្រាប់ការប្រកួត ក្នុងប្រទេសកាតា ។ Neuza Back របស់ប្រេស៊ីល, Karen Diaz Medina របស់ម៉ិកស៊ិក និងជនជាតិអាមេរិក Kathryn Nesbitt ស្ថិតក្នុងចំណោមជំនួយការ អាជ្ញាកណ្តាលចំនួន ៦៩ នាក់នៅ World Cup ។
អ្នកស្រី Frappart បានធ្វើការការប្រកួតបុរសរួចហើយ នៃការប្រកួតជម្រុះ World Cup និង Champions League ។ អ្នកស្រី ក៏បានគ្រប់គ្រងការ ប្រកួតវគ្គផ្តាច់ព្រ័ត្រ Women’s World Cup ២០១៩ និងជាអាជ្ញាកណ្តាល សម្រាប់ការប្រកួតវគ្គផ្តាច់ព្រ័ត្រ French Cup ផ្នែកបុរសនៅឆ្នាំនេះ៕
