RIO DE JANEIRO ៖ នេះបើតាមលោកវេជ្ជបណ្ឌិត ដែលកំពុងព្យាបាលលោក បាននិយាយកាលពីម្សិលមិញថា វីរបុរសបាល់ទាត់ Pele កំពុងបង្ហាញរោគសញ្ញាប្រសើរឡើង ពីការឆ្លងមេរោគផ្លូវដង្ហើម ប៉ុន្តែនៅតែស្ថិត ក្នុងមន្ទីរពេទ្យ ដោយមិនមានការព្យាករណ៍ថា តើលោកអាចចាកចេញ ពីមន្ទីរពេទ្យនៅពេលណានោះទេ យោងតាមការចេញ ផ្សាយពីគេហទំព័រឌឺវីប៊ីស ។
បុរសវ័យ ៨២ ឆ្នាំរូបនេះ ត្រូវបានបញ្ជូនទៅមន្ទីរពេទ្យ Albert Einstein នៃទីក្រុង Sao Paulo កាលពីចុងខែមុនជាកន្លែង ដែលអ្នកជំនាញផ្នែកវេជ្ជសាស្រ្ត ស្វែងរកការព្យាបាលការឆ្លង និងវាយតម្លៃការព្យាល ដោយគីមី របស់លោកឡើងវិញ ។ សេចក្តីថ្លែងការណ៍របស់មន្ទីរ ពេទ្យចុះហត្ថលេខា ដោយវេជ្ជបណ្ឌិត៣នាក់ថា នៅតែមិន មានការព្យាករណ៍ សម្រាប់ការហូរចេញ អ្នកជំងឺនៅតែបន្តបង្ហាញ ពីភាពប្រសើរឡើង នៃស្ថានភាពព្យាបាលរបស់លោក ជាពិសេសការ ឆ្លងមេរោគផ្លូវដង្ហើម ។
លោក Pele គឺជាកីឡាករតែម្នាក់គត់ ដែលឈ្នះ World Cup បីដង ដោយលើកពាននៅឆ្នាំ ១៩៥៨ ១៩៦២ និង១៩៧០ ។ ក្នុងរយៈពេលប៉ុន្មាន ឆ្នាំចុងក្រោយនេះ លោកបានប្រឈមមុខនឹងបញ្ហាសុខភាពជាបន្តបន្ទាប់ រួមទាំងបញ្ហាទាក់ទងនឹងឆ្អឹងខ្នង ត្រគាក ជង្គង់ និងក្រលៀន។ កាលពីឆ្នាំមុន អតីតតារា Santos និង New York Cosmos បានទទួលការវះកាត់យកដុំសាច់នៅក្នុងពោះវៀនធំរបស់លោក ។
លោក Pele បានបង្ហោះសារជាទៀង ទាត់នៅលើប្រព័ន្ធផ្សព្វផ្សាយសង្គម ក្នុងប៉ុន្មានសប្តាហ៍ថ្មីៗនេះ ដើម្បីធ្វើបច្ចុប្បន្នភាពអ្នកគាំទ្រអំពីសុខភាពរបស់លោក ខណៈលោកមើលការ ប្រកួតបាល់ទាត់ពិភពលោក។ លោកបានសរសេរ កាលពីសប្តាហ៍មុនថា ខ្ញុំរឹងមាំ មានសង្ឃឹមច្រើន ហើយខ្ញុំធ្វើតាមការព្យាបាល របស់ខ្ញុំដូចធម្មតា ខ្ញុំចង់អរគុណក្រុមគ្រូពេទ្យ និងគិលានុបដ្ឋាយិកាទាំងមូល សម្រាប់ការថែទាំទាំងអស់ ៕
