ចិន៖ បើយោងតាមការចេញផ្សាយ ពីគេហទំព័រឌៀលីម៉ែល បានប្រាប់ឲ្យដឹងថា អាជីវកម្ម iPhone របស់ Apple ប្រឈមមុខនឹងការកំណត់យ៉ាងខ្លាំង នៅពេលការផ្ទុះឡើងនៃមេរោគ Covid របស់ប្រទេសចិនកំពុងគំរាមកំហែង ដល់ភាពវឹកវរនៃសង្វាក់ផ្គត់ផ្គង់ដ៏សំខាន់ នៅក្នុងប៉ុន្មានខែខាងមុខនេះ។
ក្រុមហ៊ុនបាននឹងកំពុងប្រឈមមុខនឹងបញ្ហា ក្នុងរោងចក្រជាមួយនឹងកម្មករចំនួន ៣០០,០០០នាក់ ដែលដំណើរការដោយ Foxconn ជាអ្នកដំឡើង iPhone ដ៏សំខាន់ក្នុងទីក្រុង Zhengzhou ប្រទេសចិន ពីរលកដែលបានចាប់ផ្តើមកាលខែតុលា។ អ្នកជំនាញភ័យខ្លាចការរីករាលដាល លេចធ្លាយកំណត់ត្រាសុខភាព របស់ចិននិយាយថា បានឆ្លងមនុស្ស ២៥០ លាននាក់ក្នុងប៉ុន្មានសប្តាហ៍ដំបូង នៃខែធ្នូអាចបណ្តាលឲ្យមានការរំខាន ជាច្រើនខែក្នុងការផលិត iPhone សូម្បីតែក្រុមហ៊ុនចាប់ផ្តើមផ្លាស់ប្តូរ ផលិតកម្មរបស់ខ្លួននៅខាងក្រៅ ប្រទេសចិនក៏ដោយ។
ក្រុមហ៊ុនមានមូលដ្ឋាន នៅរដ្ឋកាលីហ្វ័រញ៉ាកំពុងធ្វើការ ជាមួយអ្នកផ្គត់ផ្គង់របស់ខ្លួន ដើម្បីផ្លាស់ប្តូរផលិតកម្មមួយចំនួន ទៅកាន់រោងចក្រផ្សេងទៀតក្នុងប្រទេសចិន ដើម្បីកាត់បន្ថយការរង់ចាំដ៏យូរ ដែលប៉ះពាល់ដល់អ្នកប្រើប្រាស់ នៅសហរដ្ឋអាមេរិកសម្រាប់ម៉ូដែល iPhone 14 កម្រិតខ្ពស់ដោយខ្លួនបានបង្ហាញកាលខែកញ្ញា។ Apple បានបោះជំហានដ៏កម្រមួយកាលពីថ្ងៃទី ៦ ខែវិច្ឆិកា ដើម្បីព្រមានពីការរំខានដ៏សំខាន់ នៅមុនរដូវកាលវិស្សមកាល។
នៅដើមខែធ្នូ ប្រទេសចិនបានបញ្ជាឲ្យមនុស្សចំនួន ប្រាំមួយលាននាក់ចូលទៅក្នុងការចាក់សោរ ពួកគេត្រូវបានអនុញ្ញាតឲ្យ ចាកចេញដើម្បីទិញអាហារ ឬទទួលការព្យាបាលវេជ្ជសាស្រ្ត បន្ទាប់ពីការតវ៉ាលើការរឹតបន្តឹង Covid និងប្រាក់ឈ្នួលពីកម្មកររាប់រយនាក់នៅទីក្រុង Zhengzhou ។
នេះបើយោងតាមកាសែត Financial Times ថា ប្រាក់ចំណូលរបស់ក្រុមហ៊ុន Apple នឹងធ្លាក់ចុះនៅត្រីមាសនេះ មកនៅត្រឹមក្រោមកំណត់ត្រា ១២៣.៩ពាន់លានដុល្លារ ដែលវាបានកើនឡើងក្នុងរយៈពេល ដូចគ្នាកាលពីឆ្នាំមុន នឹងបំបែកការកើនឡើងនៃប្រាក់ចំណូល អូសបន្លាយរយៈពេល ១៤ ត្រីមាស ៕
ដោយ៖ លី ភីលីព
