ម៉ិកស៊ិក ៖ សេចក្តីថ្លែងការណ៍ របស់ឆ្មាំជាតិ បាននិយាយថា លលាដ៍ក្បាល ត្រូវបានគេ រកឃើញរុំដោយបន្ទះអាលុយមីញ៉ូម នៅខាងក្នុងប្រអប់ក្រដាស កាតុងធ្វើជាកេស បន្ទាប់ពីត្រូវបានរកឃើញ ដោយឧបករណ៍កាំរស្មីអ៊ិច នៅអាកាសយានដ្ឋាន អន្តរទ្វីប Queretaro នៅកណ្តាលប្រទេសម៉ិកស៊ិក យោងតាមការចេញ ផ្សាយពីគេហទំព័រស្គាយញ៉ូវ ។
លលាដ៍ក្បាល មនុស្ស ចំនួន ៤ ត្រូវបានរកឃើញនៅក្នុងកញ្ចប់មួយ នៅអាកាសយានដ្ឋានម៉ិកស៊ិក ដែលធ្វើដំណើរទៅកាន់ សហរដ្ឋអាមេរិក ដោយអ្នកនាំសំបុត្រ ។ កញ្ចប់នេះត្រូវបានផ្ញើពីរដ្ឋឆ្នេរសមុទ្រ ភាគខាងលិចនៃ Michoacan ហើយកំពុងធ្វើដំណើរទៅកាន់ អាសយដ្ឋានមួយក្នុងទីក្រុង Manning រដ្ឋ South Carolina ។
ឆ្មាំជាតិមិនបានផ្តល់ព័ត៌មាន លម្អិតបន្ថែមអំពីអាយុ អត្តសញ្ញាណ ឬហេតុផល ដែលអាចកើតមាន សម្រាប់ការបញ្ជូនអដ្ឋិធាតុមនុស្សនោះទេ ។ ការផ្ទេរអដ្ឋិធាតុ មនុស្សតម្រូវ ឲ្យមានការអនុញ្ញាតពិសេសពីអាជ្ញាធរសុខាភិបាល មានសមត្ថកិច្ច ដែលមិនត្រូវបានទទួល។ រដ្ឋ Michoacan គឺជារដ្ឋមួយក្នុង ចំណោមរដ្ឋមានអំពើហឹង្សាបំផុត របស់ម៉ិកស៊ិក ដោយទីក្រុង Apatzingan ត្រូវបានគ្រប់គ្រងជាយូរមកហើយដោយក្រុមជួញដូរគ្រឿងញៀន Viagra ។
កាសែត The Guardia Nacional បានសរសេរនៅលើ Facebook ថា ក្នុងអំឡុងពេលត្រួតពិនិត្យនៅក្រុមហ៊ុន វេចខ្ចប់ និងតាមរយៈក្រុមកាំរស្មីអ៊ិច អង្គភាព #NationalGuardia បានរកឃើញនៅអាកាសយានដ្ឋានអន្តរទ្វីប #Querétaro លលាដ៍ក្បាលចំនួន ៤នាក់ ទំនងជាមានប្រភពដើមពីមនុស្ស រុំដោយប្លាស្ទិកថ្លា និងក្រដាសអាលុយមីញ៉ូម យ៉ាងត្រឹមត្រូវ ៕
