អង់គ្លេស៖ យោងតាមការចេញផ្សាយ ពីគេហទំព័រស្គាយញ៉ូវបានប្រាប់ឲ្យដឹងថា ប៉ូលីសបានចោទប្រកាន់ លោក Joseph Watts វ័យ ៣៥ ឆ្នាំជាអ្នកគាំទ្រម្នាក់ ក្នុងចំណោមអ្នកគាំទ្រក្រុម Tottenham បន្ទាប់ពីអ្នកចាំទី Aaron Ramsdale របស់ក្រុម Arsenal ត្រូវបានប្រើអំពើហឹង្សា ក្រោយក្រុមរបស់លោកបានយកឈ្នះ ២-០លើ Tottenham កាលពីថ្ងៃអាទិត្យ។
បុរសម្នាក់ត្រូវបានគេចោទប្រកាន់ ពីបទវាយដំលើកីឡាកររបស់ Arsenal បន្ទាប់ពីការប្រកួតនៅកីឡដ្ឋាន Tottenham Hotspur កាលពីថ្ងៃអាទិត្យ។ ប៉ូលីស Metropolitan បាននិយាយថា លោក Joseph Watts អាយុ ៣៥ ឆ្នាំត្រូវបានចោទប្រកាន់ពីបទវាយដំ រំលោភលើទីលានបាល់ទាត់ និងគប់កាំជ្រួច។
លោក Watts មកពី Hackney ភាគឦសានទីក្រុងឡុងដ៍ នឹងត្រូវបង្ហាញខ្លួននៅតុលាការ Highbury Magistrates នៅថ្ងៃសុក្រ ទី ១៧ ខែកុម្ភៈ។ ប៉ូលីស Metropolitan បាននិយាយថា ក្រុមស៊ើបអង្កេតបាល់ទាត់របស់ខ្លួន ត្រូវបានជួយក្នុងការស៊ើបអង្កេតរបស់ពួកគេដោយមន្ត្រី Tottenham ៕ ដោយ៖លី ភីលីព
