ត្រឹម២០នាទីប៉ុណ្ណោះ Inter Milan អាចស៊ុតបញ្ចូលទី បានទៅដល់២គ្រាប់ និងបន្ថែមគ្រាប់ទី៣ក្នុងរយៈពេលមិនដល់១៥នាទីផង ពីពេលវេលាដែលនៅសេសសល់ ក្នុងការប្រកួតយប់មិញប៉ះនឹងក្រុមAC Milan ។
វាគឺជាជ័យជំនះយ៉ាងងាយស្រួលសម្រាប់ Inter Milan អាចលើកពានរង្វាន់ Italian Super Cup ដោយក្នុងនោះគ្រាប់បាល់ទាំង៣កើតឡើង ដោយសារកីឡាករ Dimarco និងគ្រាប់ទី២ ដោយខ្សែប្រយុទ្ធ Edin Dzeko ខណៈដែលគ្រាប់ចុងក្រោយដោយកីឡាករ Martinez។
ទោះបីជាយ៉ាងណាក្តីក្រុមទាំងពីរ នៅក្រោយការប្រកួតនេះ នឹងត្រូវមានភារៈកិច្ចសំខាន់ៗជាច្រើនទៀត ដូចជានៅ Serie A ដែល Inter Milan ត្រូវស្វាគមន៍ក្រុមលេខ៥ក្នុងតារាង Lazio ចំណែក AC Milan នឹងត្រូវប៉ះ Empoli ហើយក្រុមទាំង២ក៏នឹងត្រូវមានការប្រកួត Champions League វគ្គជម្រុះនៅខែក្រោយផងដែរ៕ ប្រែសម្រួល៖ស៊ុនលី
