The Goal នៅថ្ងៃនេះបានចេញផ្សាយថាក្លឹប Barcelona ទំនងជានឹងអាចធ្វើការដោះដូរកីឡាករ Memphis Depay បានសម្រេចហើយជាមួយនឹងក្លឹប AT Madrid ព្រមទាំងអាចប្រមូលបានលុយមួយចំនួន ៤លានផោនផងពីក្លឹបនេះ។
ប្រភពដដែលបានសរសេរទៀតថា ក្លឹបទាំងពីរបានឈានទៅដល់ការព្រមព្រៀងគ្នាភ្លាមៗ ក្រោយពេលដែលគ្រូបង្វឹករបស់ Barcelona លោក Xavi បានប្រកាសថាលោកនឹងសម្រេចចិត្តបើកទ្វាឲ្យកីឡាករ Memphis ចាកចេញពីក្លឹបហើយជាក់ស្តែងកីឡាកររូបនេះ មិនបានមកចូលរួមធ្វើការហ្វឹកហាត់ជាមួយនឹងក្លឹបឡើយ ក្រោយការប្រកាសរបស់លោក។
ក្នុងនោះផងដែរកីឡាករ Yannick Carrasco ក៏បានបង្ហើបអំពីបំណងចង់មកចូលរួម Barcelona ផងដែរដែលវាបានធ្វើឲ្យការចរចាគ្នារវាងក្លឹបទាំងពីរ កាន់តែត្រូវរ៉ូវគ្នាប៉ុន្តែក្នុងនោះ Barcelona បានទាមទារតម្លៃខ្លួនរបស់ Memphis បានខ្លះគឺ៤លានផោន សម្រាប់ការដោះដូរគ្នាលើកនេះ៕ ប្រែសម្រួល៖ស៊ុនលី
