គ្រូបង្វឹករបស់ក្លឹប Al Nassr លោក Rudi Garcia បានធ្វើការលើកឡើង កាលពីថ្ងៃម្សិលមិញនេះថាកីឡាករ Cristiano Ronaldo នឹងវិលត្រឡប់ទៅលេង នៅលីគកំពូលអឺរ៉ុបវិញ នៅក្នុងពេលវេលាណាមួយខាងមុខនេះហើយ យើងនឹងមិនអាចមើលឃើញអាជីព ដ៏រីកចម្រើនរបស់គាត់ នៅលីគអារ៉ាប់នេះបានឡើយ។
កីឡាករប៉ទុយហ្គាល់រូបនេះ ធ្វើដំណើរមកដល់លីគកំពូលអារ៉ាប់ និងបង្ហាញខ្លួនមិនទាន់បានប៉ុន្មានដងនៅឡើយ ប៉ុន្តែហាក់ដូចជាមិនមានអ្វីប្រែប្រួលពីទំរង់លេងចុងក្រោយ របស់គាត់នៅជាមួយនឹង Man UTD និងក្រុមជម្រើសជាតិនោះឡើយ។
ប៉ុន្តែទោះបីជាបានផ្ទេរមកអារ៉ាប់ ក្នុងកញ្ចប់លុយប្រាក់កម្រៃដ៏ច្រើនលើសលប់ក្តី ប៉ុន្តែគ្រូបង្វឹកបារាំងលោក Gracia រូបនេះបានអះអាងថា៖ គាត់មានភាពវិជ្ជមានខ្លាំងណាស់ ទាំងការជួយជ្រោមជ្រែងមិត្តរួមក្រុមផង។ គាត់គឺជាកីឡាករដ៏ល្អបំផុតក្នុងលោកម្នាក់ គាត់នឹងមិនបញ្ចប់អាជីពរបស់គាត់នៅ Al Nassr ឡើយពីព្រោះថាគាត់នឹងវិលទៅអឺរ៉ុបវិញ៕ ប្រែសម្រួល៖ស៊ុនលី
