បរទេស៖ សារព័ត៌មាន Bloomberg រាយការណ៍ថា សហរដ្ឋអាមេរិកនឹងផ្គត់ផ្គង់អ៊ុយក្រែនជាមួយនឹងឧបករណ៍ធ្វើឱ្យប្រសើរឡើងយ៉ាងជាក់លាក់នៃគ្រាប់បែក ដែលបាញ់តាមអាកាស ដែលអាចបាញ់បានចម្ងាយ ៨០ គីឡូម៉ែត្រ និងសមត្ថភាពនាំផ្លូវ GPS ។
យោងតាមសារព័ត៌មាន RT ចេញផ្សាយនៅថ្ងៃទី២២ ខែកុម្ភៈ ឆ្នាំ២០២៣ បានឱ្យដឹងថា ទីភ្នាក់ងារព័ត៌មានបានផ្សាយកាលពីថ្ងៃអង្គារថា យោងតាមប្រភពអនាមិកចំនួនពីរដែលដឹងអំពីបញ្ហានេះ គឺទីក្រុងគៀវ នឹងទទួលបានឧបករណ៍វាយប្រហារដោយផ្ទាល់រួម (JDAM-ER) kits ។ ទាំងនេះ គឺជា “គ្រាប់បែកបាញ់ពីលើអាកាសដ៏ជាក់លាក់” ដែលមន្ទីរប៉ង់តាហ្គោនបានលើកឡើងជាផ្នែកនៃកញ្ចប់សព្វាវុធចំនួន ១,៨៥ ពាន់លានដុល្លារ ដែលបានប្រកាសកាលពីថ្ងៃទី ២១ ខែធ្នូ។
JDAM គឺជាការធ្វើឱ្យប្រសើរឡើងសម្រាប់គ្រាប់បែកធ្លាក់ដោយសេរី ដែលប្រែក្លាយវាទៅជាអាវុធភាពជាក់លាក់ដែលបង្កើនប្រព័ន្ធ GPS ។ ចំណែកកំណែ ER ត្រូវបានបង្កើតឡើងដំបូងដោយអង្គការវិទ្យាសាស្ត្រនិងបច្ចេកវិទ្យាការពារជាតិរបស់អូស្ត្រាលី (DSTO) រួមជាមួយនឹងក្រុមហ៊ុន Boeing Australia សម្រាប់កងទ័ពអាកាស។
គ្រាប់បែកដែលបានធ្វើឱ្យប្រសើរឡើងនេះត្រូវបានរចនាឡើងដើម្បីបាញ់ចេញពីយន្តហោះចម្បាំងដែលផលិតដោយសហរដ្ឋអាមេរិក ដូចជា F/A-18 A/B Super Hornet ប៉ុន្តែរហូតមកដល់ពេលនេះទីក្រុងវ៉ាស៊ីនតោន និងសម្ព័ន្ធមិត្តបានបដិសេធក្នុងការផ្តល់យន្តហោះបែបនេះដល់អ៊ុយក្រែន៕
ប្រែសម្រួលៈ ណៃ តុលា
