គិតចាប់តាំងតែពីបានផ្ទេរ ទៅចូលរួមជាមួយ នឹងក្លឹបយក្សអេស្បាញ Real Madrid កាលពីប៉ុន្មានរដូវកាលកន្លងមកនេះ កីឡាករ Eden Harzard អតីតកីឡាករ របស់ក្លឹបតោខៀវ Chelsea គឹមិនបានបង្ហាញសមត្ថភាព អ្វីទាល់តែសោះ ជាមួយនឹងក្លឹបដោយសារ តែបញ្ហារបួសរដ៏រ៉ាំរ៉ៃ។
មកទល់ពេលនេះ មានសារព័ត៌មានជាច្រើនចេញ ផ្សាយថា កីឡាករប៊ែលហ្ស៊ិករូបនេះ នឹងអាចចុះហត្ថលេខា ក្នុងការចាកចេញពីក្លឹបអេស្បាញនេះហើយ នៅត្រឹមចុងរដូវកាលនេះ ហើយ ក្នុងនោះក៏មានក្លឹបធំៗមួយចំនួនផងដែរ នៅតែចង់បានរូបគាត់។
ប្រភពដដែលបានសរសេរទៀត ក្នុងចំណោមនោះក៏មានគ្រូបង្វឹកលោក Mikel Arteta ដែលជាគ្រូបង្វឹក របស់ក្លឹបកាំភ្លើងធំ Arsenal ផងដែរ ដែលបានបង្ហាញចំណាប់ អារម្មណ៍ជាមួយនឹងខ្សែប្រយុទ្ធរូបនេះ ខណៈដែលកុងត្រារបស់គាត់បច្ចុប្បន្ន នឹងអាចបន្តជាមួយនឹង Real Madrid រហូតដល់ឆ្នាំ២០២៤៕
ប្រែសម្រួល៖ស៊ុនលី
