គៀវ៖ ទូរទស្សន៍សិង្ហបុរី Channel News Asia បានផ្សព្វផ្សាយនៅថ្ងៃទី១៦ ខែឧសភា ឆ្នាំ២០២៣ថា កាលពីថ្ងៃចន្ទប្រទេសអ៊ុយក្រែន បានសាទរចំពោះវឌ្ឍនភាព សមរភូមិដ៏សំខាន់ជាលើកដំបូងរបស់ខ្លួនក្នុងរយៈពេល៦ខែ ខណៈដែលប្រធានាធិបតីលោក Volodymyr Zelenskyy បានយកឈ្នះការសន្យាសម្រាប់ យន្តហោះគ្មានមនុស្សបើកហើយហើរក្នុងរយៈចម្ងាយឆ្ងាយថ្មី នៅក្នុងប្រទេសអង់គ្លេស ដើម្បីបន្ថែមអាវុធរបស់លោកខាងលិច សម្រាប់ការវាយលុកប្រឆាំងនឹងការឈ្លានពានរបស់រុស្ស៊ី ។
គួរបញ្ជាក់ថា ចាប់តាំងពីសប្តាហ៍មុនមក យោធាអ៊ុយក្រែន បានចាប់ផ្តើមដេញកងកម្លាំងរុស្ស៊ី ឲ្យត្រឡប់មកវិញ និងជុំវិញទីក្រុង Bakhmut ដែលកំពុងប្រយុទ្ធ ដែលជាប្រតិបត្តិការវាយលុកដ៏សំខាន់លើកដំបូង ចាប់តាំងពីកងទ័ពរបស់ខ្លួនដណ្តើមបានមកវិញនូវទីក្រុង Kherson ភាគខាងត្បូងក្នុងខែវិច្ឆិកា ។
លោកវរសេនីយ៍ឯក Oleksandr Syrskyi មេបញ្ជាការកងទ័ពជើងគោកបានឲ្យដឹងនៅក្នុងសេចក្តីថ្លែងការណ៍មួយនៅលើកម្មវិធីផ្ញើសារ Telegram ថា “ការឈានទៅមុខនៃកងទ័ពរបស់យើងតាមទិសដៅ Bakhmut គឺជាជោគជ័យដំបូងនៃសកម្មភាពវាយលុកក្នុងការការពារ Bakhmut” ។
គាត់បានលើកឡើងថា “ប៉ុន្មានថ្ងៃចុងក្រោយនេះបានបង្ហាញថា យើងអាចឆ្ពោះទៅមុខនិងបំផ្លាញ សត្រូវសូម្បីតែនៅក្នុងស្ថានភាព លំបាកខ្លាំងណាស់” ។
“យើងកំពុងប្រយុទ្ធជាមួយនឹងធនធានតិចជាងសត្រូវ ។
ក្នុងពេលជាតំណាលគ្នានេះដែរ យើងអាចបំផ្លាញតាមផែនការរបស់ខ្លួន” ៕ ប្រែសម្រួលដោយ៖ ម៉ៅ បុប្ផាមករា
