ព្រឹត្តិការណ៍ប្រកួតសិល្បៈក្បាច់គុនចម្រុះ MMA គេតែងសង្កេតឃើញនារីស្អាតៗ ដែលឈរជុំវិញសង្វៀន ឫ ទ្រុងប្រកួត និង លើកស្លាកជាដើម ដែលគេតែងនិយមហៅថា Ring Girl។
ខាងក្រោមនេះគឺជាតារាស្រី Ring Girl ដែលមានអ្នកប្រជាប្រិយភាពបំផុត នៅអាស៊ី ៖
Lee Ji Na ជនជាតិកូរ៉េខាងត្បូង
មានអ្នកតាមដានជិតកន្លះលាននាក់នៅលើ Instagram យ៉ាងឆាប់រហ័ស Lee Ji Na ជនជាតិកូរ៉េខាងត្បូង បានទាក់ទាញកម្រិតនៃការកោតសរសើរដែលមិនធ្លាប់មានពីទូទាំងទ្វីបអាស៊ី។ តារាស្រី Ring Girl របស់ ONE Championship គឺជានិស្សិតបញ្ចប់ការសិក្សានៅសាកលវិទ្យាល័យដែលល្បីឈ្មោះបន្ទាប់ពីឈ្នះការប្រកួតស្លៀកឈុតប៊ីគីនីនៅលើទស្សនាវដ្តី Maxim Magazine។
Megu Aoyama ជនជាតិជប៉ុន
Megu Aoyama គឺជាតារាសម្តែង តារាម៉ូដែល និងជា Ring Girl សង្វៀនប្រកួតរបស់ជប៉ុន ដែលធ្វើការជាមួយនឹងការផ្សព្វផ្សាយប្រដាល់ដ៏ធំបំផុតរបស់ប្រទេស។ កំពូលតារាមកពី Saitama នេះក៏ជាអ្នកហាត់ក្បាច់គុនដែរ ដោយបានពាក់ខ្សែក្រវ៉ាត់ខ្មៅក្នុងកីឡាយូដូ និងចាប់អារម្មណ៍ខ្លាំងលើ Muay Thai។ Aoyama មានអ្នក Follow ជាង 46,000 នាក់នៅលើ Instagram ហើយគ្មានអ្វីចម្លែកទេ ព្រោះនាងក៏ជាតារា ដែលបានលេចមុខក្នុងរឿងភាគទូរទស្សន៍ និងកម្មវិធីកម្សាន្តជាច្រើន។
Red Dela Cruz ជនជាតិហ្វីលីពីន
នៅពេលដែល UFC មកដល់អាស៊ី Ring Girl របស់ហ្វីលីពីន Red De La Cruz បានបង្ហាញសម្រស់ដ៏ស្រស់ផូផង់របស់នាង។ ដោយមានអ្នកតាមដាន 275,000 នាក់នៅលើវេទិកាប្រព័ន្ធផ្សព្វផ្សាយសង្គម វាគ្មានអ្វីចម្លែកទេដែលនាងត្រូវបានគេបោះឆ្នោតឱ្យចូលក្នុងបញ្ជី របស់ FHM ក្នុងចំណោមស្ត្រីសិចស៊ីបំផុតទាំង 100 នៅលើពិភពលោក។ មុនពេលនាងក្លាយជាស្ត្រីដំបូងគេដែលតំណាងឱ្យប្រទេសហ្វីលីពីន Octagonside នាងបានសិក្សាផ្នែកទេសចរណ៍នៅសាកលវិទ្យាល័យ មុនពេលសម្រេចចិត្តផ្តោតលើអាជីពពេញម៉ោងលើអាជីពជាតារាបង្ហាញម៉ូតរបស់នាង។
Park Si Hyun ជនជាតិកូរ៉េខាងត្បូង
Park Si Hyun ដែលគេស្គាល់ថាជា DJ Siena តារាស្រីដែលមានប្រជាប្រិយភាពបំផុតរបស់ ONE Championship បានបង្កើតអ្នកតាមដានយ៉ាងច្រើនដល់ទៅ 330,000 នាក់នៅលើ Instagram ចាប់តាំងពីបានចូលរួមក្នុងការផ្សព្វផ្សាយ។ នាងបានចូលជាសមាជិកក្រុម ONE តាំងពីឆ្នាំ 2012 មកម្ល៉េះ ហើយបានក្លាយជាឌីជេដ៏ល្បីមួយរូប ដោយបានសម្តែងទៅកាន់អ្នកគាំទ្ររាប់ពាន់នាក់នៅក្នុងព្រឹត្តិការណ៍តន្ត្រីដ៏ធំ។
Nam Eun Ju ជនជាតិកូរ៉េខាងត្បូង
ការចូលរួមក្នុងកម្មវិធី ONE Championship បានជួយឱ្យប្រជាប្រិយភាពរបស់ Nam Eun Ju កើនឡើងពេញទ្វីបអាស៊ី។ សម្រស់របស់នារីកូរ៉េខាងត្បូងនេះ បានផ្សព្វផ្សាយរូបភាពរបស់នាងទៅកាន់ទស្សនិកជនដែលមានសក្តានុពលចំនួន 1.7 ពាន់លាននាក់នៅគ្រប់ព្រឹត្តិការណ៍ទាំងអស់ ក៏ដូចជាអ្នកតាមដានជិត 70,000 នាក់។
ប្រភព៖sabay
