កង់បេរ៉ា៖ កងទ័ពអាកាសអូស្ត្រាលី (RAAF) បានចូលរួមកិច្ចខិតខំប្រឹងប្រែងធ្វើមាតុភូមិនិវត្តន៍ពលរដ្ឋអូស្ត្រាលី ដែលជាប់គាំងក្នុងប្រទេសអ៊ីស្រាអែល នេះបើយោងតាមការចុះផ្សាយរបស់ទីភ្នាក់ងារសារព័ត៌មានចិនស៊ិនហួ។
លោក Richard Marles រដ្ឋមន្ត្រីក្រសួងការពារជាតិ និងជាឧបនាយករដ្ឋមន្ត្រី លោក Penny Wong រដ្ឋមន្ត្រីក្រសួងការបរទេស និងលោក Bill Shorten រដ្ឋមន្ត្រីទទួលបន្ទុកសេវាកម្មរដ្ឋាភិបាល នៅល្ងាចថ្ងៃច័ន្ទម្សិលមិញនេះ បានប្រកាសថា យន្តហោះ RAAF ពីរគ្រឿងបានចូលរួមធម្មនុញ្ញគាំទ្រដោយរដ្ឋាភិបាល ដើម្បីហោះហើរពលរដ្ឋអូស្ត្រាលីចំនួន ២៥៥ នាក់ពីអាកាសយានដ្ឋាន Ben Gurion ទីក្រុង Tel Aviv ទៅកាន់ទីក្រុងឌូបៃ កាលពីថ្ងៃចន្ទ។
ការដឹកជញ្ជូនធុនធ្ងន់ចំនួនពីរគឺ KC-30At និង C-17A Globemaster III គឺជាយន្តហោះដំបូង ដែលដាក់ពង្រាយដោយកងកម្លាំងការពារអូស្ត្រាលី (ADF) ដើម្បីចូលរួមក្នុងប្រតិបត្តិការធ្វើមាតុភូមិនិវត្តន៍ពលរដ្ឋអូស្ត្រាលី នៅអ៊ីស្រាអែល ដែលមានបំណងចាកចេញពីតំបន់នោះ។
យោងតាមនាយកដ្ឋានកិច្ចការបរទេស និងពាណិជ្ជកម្ម ជនជាតិអូស្ត្រាលីជាង ១,២០០ នាក់ដែលបានចុះឈ្មោះចង់ចាកចេញពីតំបន់នោះបានចាកចេញហើយ ជាង ៤០០ នាក់ក្នុងចំណោមពួកគេនៅលើជើងហោះហើរ ដែលគាំទ្រដោយរដ្ឋាភិបាល។
លោក Marles បានឲ្យដឹងនៅក្នុងសេចក្តីថ្លែងការណ៍រួមជាមួយលោក Wong និងលោក Shorten ថា “សុវត្ថិភាពរបស់ប្រជាជនអូស្ត្រាលី ដែលរងផលប៉ះពាល់ដោយជម្លោះនេះ គឺមានសារៈសំខាន់បំផុត សម្រាប់រដ្ឋាភិបាលអូស្ត្រាលី” ។
ប្រភពបានបញ្ជាក់បន្ថែមថា “ការធ្វើឱ្យសកម្មនៃយន្តហោះការពារជាតិពីរ ផ្តល់នូវជម្រើសដ៏សំខាន់ សម្រាប់អូស្ត្រាលី ខណៈដែលជម្លោះក្នុងប្រទេសអ៊ីស្រាអែល នៅតែបន្តវិវត្ត”៕ ប្រែសម្រួល ឈូក បូរ៉ា
