The Sunsports ចេញផ្សាយ នៅថ្ងៃសុក្រទី១០ ខែមករានេះ បានសរសេរថាប្រធានក្លឹប Inter Milan នៅថ្ងៃពេលនេះកំពុងត្រៀមខ្លួន ក្នុងការចចារការងារជាមួយនឹងភ្នាក់ងាររបស់កីឡាករ Christian Eriksen ដោយសង្ឃឹមថា នឹងអាចនាំយកកីឡាកររូបនេះ មកអ៊ីតាលីរដូវកាលក្រោយ ដោយមិនមានតម្លៃខ្លួនឡើយ ។
ភ្នាក់ងារកីឡាកររូបនេះ ត្រូវបានគេជឿជាក់យ៉ាងច្បាស់ថា បានហោះហើរទៅប្រទេសអ៊ីតាលី ដើម្បីជម្រុញការងារដោយផ្ទាល់ ទោះបីជា Spurs ក្នុងរយៈពេលប៉ុន្មានសប្តាហ៍នេះ បានព្យាយាមទំលាក់តម្លៃខ្លួន របស់កីឡាករក្តី ដើម្បីប្រមូលលុយមកវិញបានខ្លះ ប៉ុន្តែជឿជាក់ថា Inter Milan នឹងមិនចំណាយលុយ ក្នុងទំហំណាមួយឡើយ ព្រោះជឿជាក់ថា នឹងនាំយកកីឡាកររូបនេះដោយមិនចំណាយលុយអ្វីឡើយ ។
គ្រូបង្វឹក Inter Milan លោកConteមិនត្រឹមតែប៉ុណ្ណោះក៏កំពុងចចារនាំយក Young របស់ Man United ផងដែរបន្ទាប់ពីបរាជ័យក្នុងការទាក់ចិត្តកីឡាករ Marco Alonso
ពី Chelsea ហើយបន្ថែមពីនេះ ក៏កំពុងរងចាំរហូតដល់រដូវក្តៅ ដើម្បីនាំយកខ្សែប្រយុទ្ធជើងចាស់ វ័យ៣៣ឆ្នាំ Giroud ពី Chelsea នេះផងដែរ ៕ ប្រែសម្រួល៖ស៊ុនលី
