កីឡាករខ្សែប្រយុទ្ធស្លាប Jadon Sancho ដែលកំពុងលេងឲ្យក្លឹបបិសាចក្រហម Man UTD ត្រូវបាន The Goal ចេញផ្សាយថាកំពុងធ្វើការហ្វឹកហាត់យ៉ាងខ្លាំង ទោះបីជាមិនសូវមានឳកាសបង្ហាញខ្លួនលេងឲ្យក្លឹបក្តី។
កន្លងមកគ្រូបង្វឹករបស់ក្លឹបគឺលោក Erik Ten Hag បានអះអាងថាកីឡាកររូបនេះមិនទាន់មានកម្រិតលេងស្មើទៅនឹងអ្វីដែលគាត់ចង់បាននៅឡើយហើយក៏មានភាពអាក់អន់ចិត្តដាក់គ្នាកើតឡើងបន្តបន្ទាប់រហូតមក។
មកទល់ពេលនេះគ្រូបង្វឹកហូឡង់រូបនេះបានបញ្ជាក់ជំហរបស់គាត់ហើយថាមិនដាក់ឲ្យកីឡាកររូបនេះលេងឡើយរហូតដល់គាត់សូមទោសជាសាធារណៈចំពោះពាក្យរិះគន់នាពេលកន្លងមក។
គួរឲ្យដឹងដែរថា Sancho បានបង្ហាញខ្លួនចុងក្រោយឲ្យក្លឹបតាំងតែពីខែសីហាបានតែ៣០នាទីប៉ុណ្ណោះក្នុងការប្រកួតយកឈ្នះក្រុម Nottingham Forest ក្នុងលទ្ធផល៣ទល់នឹង២៕
ប្រែសម្រួល៖ស៊ុនលី
