រុស្ស៊ី៖ប្រធានាធិបតីរុស្ស៊ី លោក វ្ល៉ាឌីមៀ ពូទីន បានបញ្ជាក់ក្នុងសម័យប្រជុំ Marathon Q&A កាលពីថ្ងៃព្រហស្បតិ៍ថា ប្រទេសរុស្ស៊ីមិនដែលបដិសេធក្នុងការប្រគល់អ្នកយកព័ត៌មាន Wall Street Journal Evan Gershkovich និងអតីតទាហានជើងទឹក Paul Whelan ទៅសហរដ្ឋអាមេរិកឡើយ យោងតាមការចេញផ្សាយពីគេហទំព័រ RT ។
បច្ចុប្បន្ន ជនជាតិអាមេរិក ទាំង២នាក់នេះកំពុងត្រូវបានឃុំខ្លួនក្នុងមន្ទីរឃុំឃាំងក្នុងប្រទេសរុស្ស៊ី ក្រោមការចោទប្រកាន់ ពីបទចារកម្ម។ វ៉ាស៊ីនតោន បានទទូចថា ពលរដ្ឋរបស់ខ្លួនកំពុងត្រូវបានឃុំខ្លួនដោយខុសឆ្គង ហើយបាននិងកំពុងព្យាយាម ធានាឲ្យមានការដោះលែងពួកគេ ។ ដល់ទីបញ្ចប់ CNN បានរាយការណ៍ថា រដ្ឋបាល Biden បច្ចុប្បន្នកំពុងស្វែងរក ជុំវិញពិភពលោក សម្រាប់ជនជាតិរុស្សីត្រូវបានឃុំខ្លួន អាចផ្លាស់ប្តូរជាពលរដ្ឋអាមេរិកទាំង២នាក់ ។
លោក វ្ល៉ាឌីមៀ ពូទីន ត្រូវបានអ្នកយកព័ត៌មានកាសែត New York Times ស្នើឲ្យធ្វើអត្ថាធិប្បាយលើការអះអាង ធ្វើឡើងដោយអ្នកនាំពាក្យក្រសួងការបរទេសថា ទីក្រុងមូស្គូថ្មីៗនេះបានច្រានចោលការ ផ្តល់ជូនយ៉ាងច្រើន ដើម្បីប្រគល់លោក Gershkovich និងលោក Whelan ទៅសហរដ្ឋអាមេរិកវិញ ។
ប្រធានាធិបតីបានទទូចថា ទីក្រុងមូស្គូមិនបានបដិសេធក្នុងការបញ្ជូនជនជាតិអាមេរិកទាំងពីរទៅផ្ទះទេ ប៉ុន្តែកំពុងស្វែងរកកិច្ចព្រមព្រៀងមួយជាមួយនឹងក្រុងវ៉ាស៊ីនតោន ដែលនឹងអាចទទួលយកបានទៅវិញទៅមក និងស័ក្តិសមសម្រាប់ភាគីទាំង២។
លោកបានកត់សម្គាល់ថា រុស្ស៊ីរក្សាទំនាក់ទំនងជាមួយដៃគូ អាមេរិករបស់ខ្លួនលើបញ្ហានេះ ហើយថាការសន្ទនាដែល ស្មុគស្មាញនៅតែកំពុងបន្ត ។ លោកពូទីនបានបន្តថា ខ្ញុំសង្ឃឹមថាយើងនឹងស្វែងរកដំណោះស្រាយ ប៉ុន្តែភាគីអាមេរិកត្រូវ តែស្តាប់យើង ហើយធ្វើការសម្រេចចិត្ត ដែលសមស្របនឹងភាគីរុស្ស៊ី” ដោយបន្ថែមថាការពិចារណា ផ្នែកមនុស្សធម៌ត្រូវតែគាំទ្រការសម្រេចចិត្តទាំងនេះ ។
លោក Whelan ត្រូវបានចាប់ខ្លួននៅទីក្រុងមូស្គូក្នុងឆ្នាំ២០១៨ បន្ទាប់ពីទទួលយក flash drive ដែលមានឯកសារចាត់ថ្នាក់ពីមន្ត្រីលាក់បាំងនៃសេវាសន្តិសុខសហព័ន្ធរុស្ស៊ី (FSB)។ នៅឆ្នាំ ២០២០លោកត្រូវបានកាត់ទោសឲ្យជាប់គុក ២៦ ឆ្នាំពីបទចារកម្ម។
ចំណែកលោក Gershkovich ត្រូវបានចាប់ខ្លួនដោយ FSB នៅ Ekaterinburg នៅចុងខែមីនាបន្ទាប់ ពីលោកត្រូវបានចោទប្រកាន់ថា ព្យាយាមប្រមូលព័ត៌មានបានចាត់ថ្នាក់ អំពីសកម្មភាពនៃសហគ្រាសឧស្សាហកម្មយោធារុស្ស៊ី ហើយបច្ចុប្បន្នលោកកំពុងរង់ចាំការកាត់ក្តី៕
ដោយ៖លី ភីលីព
