The Sunsports ចេញផ្សាយនៅថ្ងៃពុធនេះ បានសរសេរថាកីឡាករ ខ្សែការពាររបស់ក្លឹបបិសាចក្រហម Man United កីឡាករ Ashley Young នឹងត្រូវគេជឿជាក់ថា នឹងនៅតែបន្តលេងជាមួយក្លឹបដដែល ក្រោយពេលដែលក្លឹប Inter Milan បានងាកទៅចាប់អារម្មណ៍ជាមួយនឹងកីឡាករ Leonardo Spinazzola របស់ក្លឹប Roma វិញ។
កីឡាករវ័យ៣៤ឆ្នាំរូបនេះ ជាយូរមកហើយត្រូវបានក្លឹបយក្សអ៊ីតាលីមួយនេះ ដាក់សំណើរជាយូរមកហើយដែរ ប៉ុន្តែស្ថិតនៅក្នុងភាពប្រែប្រួលទៅវិញដោយសារ Spinazzola បានទាក់ចិត្តរបស់ Inter Milan ខ្លាំងជាងក្នុងប៉ុន្មានថ្ងៃចុងក្រោយនេះ ។ លើសពីនេះគេជឿជាក់ថាកីឡាករ Spinazzola បានមកដល់កីឡាដ្ឋាន San Siro ហើយដើម្បីពិនិត្យសុខភាព។
Young នៅរដូវកាលនេះបានបង្ហាញខ្លួន តែ១២ប្រកួតប៉ុណ្ណោះឲ្យ Man United ខណៈដែលកុងត្រារបស់គេបច្ចុប្បន្ន មានសុពលភាពត្រឹមតែរដូវក្តៅនេះប៉ុណ្ណោះ តែកីឡាករគឺអាចចាប់ផ្តើមពិភាក្សាជាមួយនឹងក្លឹប នៅក្រៅលីកបានហើយដើម្បីចចារសុំកុងត្រាថ្មី ៕
ប្រែសម្រួល៖ស៊ុនលី
