ខ្សែការពារ Luke Fleurs ដែលជាកីឡាកររបស់អាហ្វ្រិកខាងត្បូង កំពុងលេងឲ្យក្លឹប Kaizer Chiefs ត្រូវបានបាញ់សម្លាប់នៅក្នុងទីក្រុង Johannesburg ប្រទេសអាហ្វ្រិក នៅក្នុងថ្ងៃនេះ។
កីឡាករវ័យ២៤ឆ្នាំរូបនេះ ត្រូវបានគេបាញ់សម្លាប់ ដោយសង្ស័យថា ជាករណីប៉ុនប៉ងចាប់ជំរិត ឬក៏អាចប៉ុនប៉ងលួចរថយន្ត របស់កីឡាករនេះផ្ទាល់។
យ៉ាងណាករណី ដែលខ្សែការពារជម្រើសជាតិ អាហ្វ្រិកខាងត្បូងរូបនេះ ត្រូវបានគេបាញ់សម្លាប់នេះ មិនទាន់ដឹងច្បាស់លាស់នោះទេ ក្នុងពេលនេះ ដោយប៉ូលិសកំពុងធ្វើការសន្និដ្ឋាន ។
Fleurs ធ្លាប់ទៅកាន់ប្រទេសជប៉ុន ដើម្បីតំណាងក្រុមជម្រើសជាតិ របស់ខ្លួនក្នុងកម្មវិធី Olympic ក៏ដូចជាកម្មវិធីនានា ដោយកីឡាករនេះមាន Idol របស់ខ្លួននៅក្លឹប Barcelona គឺខ្សែការពារជើងចាស់ Carles Puyol ។
មជ្ឈដ្ឋានបាល់ទាត់ទាំងអស់ បានធ្វើការសម្ដែងនូវការសោកស្ដាយបំផុត ដែលបានបាត់បង់កីឡាករវ័យក្មេងរូបនេះ ៕
