ម៉ូស្គូ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានព្រមានថា តាមរយៈការផ្តល់ឱ្យអ៊ុយក្រែននូវអាវុធរយៈចម្ងាយឆ្ងាយ បណ្តាប្រទេសលោកខាងលិច ប្រថុយនឹងការពាក់ព័ន្ធដោយផ្ទាល់នៅក្នុងជម្លោះរុស្ស៊ី និងអ៊ុយក្រែន។
សារព័ត៌មានរុស្ស៊ីដកស្រង់សម្តីលោក ពូទីន ឲ្យដឹងថា “ក្នុងកាលៈទេសៈបែបនេះ រុស្ស៊ី នឹងត្រូវបង្ខំឱ្យធ្វើការសម្រេចចិត្តសមស្រប ដោយផ្អែកលើការគំរាមកំហែងថ្មីនេះ”។
រដ្ឋាភិបាលអ៊ុយក្រែន បានកំពុងអង្វរសម្ព័ន្ធមិត្តលោកខាងលិចឱ្យប្រើមីស៊ីលរបស់ខ្លួន រួមទាំងមីស៊ីលរយៈចម្ងាយឆ្ងាយផងដែរ ដើម្បីបាញ់ចូលទឹកដីរុស្ស៊ីយ៉ាងជ្រៅ នេះបើតាមរបាយការណ៍របស់ប្រព័ន្ធផ្សព្វផ្សាយលោកខាងលិច។
លោ កពូទីន បានប្រាប់ទូរទស្សន៍រដ្ឋរុស្ស៊ីថា “តាមពិតទៅ មានតែអ្នកបម្រើមកពីប្រទេសណាតូប៉ុណ្ណោះ ដែលអាចធ្វើការហោះហើរទៅកាន់ប្រព័ន្ធមីស៊ីលទាំងនេះ ហើយអ៊ុយក្រែន មិនអាចធ្វើដូច្នេះបានទេ” ។
លោកបានអះអាងថា “ដូច្នេះនេះមិនមែនជាសំណួរនៃការអនុញ្ញាតឱ្យរបបអ៊ុយក្រែនវាយប្រហាររុស្ស៊ីដោយអាវុធទាំងនេះឬអត់នោះទេ។ វាគឺជាសំណួរនៃការសម្រេចចិត្តថាតើប្រទេសណាតូ ពាក់ព័ន្ធដោយផ្ទាល់នៅក្នុងជម្លោះយោធាមួយនេះ ឬអត់”៕
ប្រែសម្រួល ឈូក បូរ៉ា
