អាមេរិក៖ ការសិក្សាថ្មីមួយពីវិទ្យាស្ថាន Potsdam សម្រាប់ការស្រាវជ្រាវផលប៉ះពាល់ អាកាសធាតុបាននិយាយថា បច្ចេកទេសធ្វើកសិកម្មនា ពេលបច្ចុប្បន្នកំពុងធ្វើឲ្យភពផែនដី និងអាចប្រើប្រាស់បានដោយមាន ទំនួលខុសត្រូវក្នុងការចិញ្ចឹមមនុស្ស ៣,៤ពាន់លាននាក់ តិចជាងពាក់កណ្តាលនៃ ចំនួនប្រជាជនពិភពលោកបច្ចុប្បន្ន។
តាមការគណនារបស់ពួកគេ បច្ចេកទេសកសិកម្មបច្ចុប្បន្ន គួរតែត្រូវបានប្រើដើម្បីទ្រទ្រង់ ចំនួនប្រជាជនពិភពលោកអតិបរមាប្រហែល ៣,៤ពាន់លាននាក់មិនមែន ៧.៧ពាន់លាននាក់ ដែលបច្ចុប្បន្នកំពុងធ្វើនោះទេ។ ពួកគេបានប្រើប្រាស់គោលដៅចំនួន ២,៣៥៥ kcal ក្នុងមនុស្សម្នាក់ក្នុងមួយថ្ងៃ ដើម្បីគណនាតួលេខចំនួនប្រជាជន។
អ្នកស្រាវជ្រាវ លោកDieter Gerten បានមានប្រសាសន៍ថា យើងមានដីច្រើនពេកសម្រាប់ដំណាំ និងបសុសត្វ។ ដើម្បីដោះស្រាយបញ្ហានេះ នៅចំពោះមុខចំនួនប្រជាជនពិភពលោក ដែលកំពុងកើនឡើងយើង ត្រូវគិតឡើងវិញអំពី របៀបផលិតស្បៀងអាហារ។ ពួកគេចង្អុលបង្ហាញអំពី ព្រំប្រទល់បរិស្ថានសំខាន់ៗចំនួន៤ ដែលបច្ចេកទេសកសិកម្មបច្ចុប្បន្ន ត្រូវតែឆ្លងកាត់ដើម្បីគាំទ្រដល់ ប្រជាជនមានចំនួនច្រើនជាង អ្វីដែលពួកគេចង់បាន។
ព្រំដែនទីមួយ គឺជាការប្រើជីគីមីដែលមានមូលដ្ឋាន លើអាសូតអាចជ្រាបចូល ទៅក្នុងទឹកក្រោមដី ឬហូរចូលទៅក្នុងទន្លេ និងបឹងដើម្បីបង្កើតតំបន់ងាប់ ដែលសម្លាប់ប្រជាជន ត្រី និងជីវិតរស់នៅក្នុងទឹកដែលចាំបាច់ ដើម្បីរក្សាប្រព័ន្ធអេកូឡូស៊ី ប្រកបដោយតុល្យភាព។
បច្ចេកទេសធ្វើកសិកម្ម នាពេលបច្ចុប្បន្នក៏រំលោភលើ ដែនកំណត់អាចទទួលយក បានលើការប្រើប្រាស់ទឹកសាប ដែលកំពុងធ្វើឲ្យខូចប្រព័ន្ធទន្លេ នៅទូទាំងពិភពលោក ដែលមួយភាគបួនបានបាត់បង់ទំនាក់ទំនង ជាមួយមហាសមុទ្រយ៉ាង ហោចណាស់ផ្នែកខ្លះនៃឆ្នាំនេះ ៕
ដោយ៖ លី ភីលីព
