អាមេរិក ៖ យោងតាមការចេញ ផ្សាយពីគេហទំព័រ VN Express បានប្រាប់ឲ្យដឹងថា សាកលវិទ្យាល័យចំនួន ១០ ត្រូវបានគេទទួលស្គាល់ថា ល្អបំផុតនៅអាមេរិកសម្រាប់ការផ្តល់ជូននូវវគ្គសិក្សា កម្មសិក្សាដ៏អស្ចារ្យ និងកម្មវិធីសហប្រតិបត្តិ ការផ្តល់ឲ្យសិស្សនូវបទពិសោធន៍ជាក់ស្តែង និងការភ្ជាប់ទំនាក់ទំនង ក្នុងឧស្សាហកម្ម ចំពោះអាជីពរបស់ពួកគេ។
នេះបើយោងតាមចំណាត់ថ្នាក់ ដែលបានចេញផ្សាយកាលពីសប្តាហ៍មុនដោយ US News & World Report ដែលត្រូវបានគេស្គាល់ សម្រាប់ព័ត៌មាន ដំបូន្មានអតិថិជន ចំណាត់ថ្នាក់ និងការវិភាគថា សាកលវិទ្យាល័យជាប់ ចំណាត់ថ្នាក់កំពូលទាំង ៦ នៅតែមិនផ្លាស់ប្តូរពីឆ្នាំមុន រួមមានសាកលវិទ្យាល័យ Northeastern សាកលវិទ្យាល័យ Drexel វិទ្យាស្ថានបច្ចេកវិទ្យា Georgia មហាវិទ្យាល័យ Berea សាកលវិទ្យាល័យ Cincinnati និងវិទ្យាស្ថានបច្ចេកវិទ្យា Rochester ។
សាកលវិទ្យាល័យ Purdue បានឡើងចំណាត់ថ្នាក់ ២ ធៀបនឹងឆ្នាំមុន ដោយជាប់ចំណាត់ថ្នាក់ទី ៧ ជាមួយនឹងវិទ្យាស្ថាន Massachusetts Institute of Technology។ សាកលវិទ្យាល័យ Carnegie Mellon ក៏បានឡើងពីចំណាត់ថ្នាក់ទី ១២ ដល់លេខ ៩ ដោយស្មើនឹងសាកលវិទ្យាល័យ Elon។
Berea College លេចធ្លោជាសាលាសិល្បៈសេរីតែមួយគត់ក្នុងកំពូលទាំង ១០ ដែលផ្តល់ការបង្រៀន ដោយឥតគិតថ្លៃ ដល់សិស្សទាំងអស់។ សម្រាប់និស្សិតអន្តរជាតិនៅស្ថាប័នផ្សេងៗ តម្លៃសិក្សាមានចាប់ពី ២៩,០០០ ដល់ ៦៦,០០០ដុល្លារអាមេរិកក្នុងមួយឆ្នាំ ។
U.S. News & World Report បានចាត់ថ្នាក់កម្មវិធីនៅសាកលវិទ្យាល័យ និងមហាវិទ្យាល័យ ដែលផ្តល់ជូន នូវកម្មវិធីសិក្សាមាន ការយកចិត្តទុកដាក់ខ្ពស់ នៅបរទេស ការរៀនពីសេវាកម្ម និងកម្មវិធីពិសេសផ្សេងទៀត ដែលភ្ជាប់ទៅនឹងភាពជោគជ័យរបស់សិស្ស និងលទ្ធផលសិក្សាវិជ្ជមាន។ វាបានកំណត់កម្មវិធីចំនួន៨ ដោយមានជំនួយពីអ្នកជំនាញផ្នែកអប់រំ រួមទាំងបុគ្គលិកនៃសមាគមមហាវិទ្យាល័យ និងសាកលវិទ្យាល័យអាមេរិក។
នៅឆ្នាំ២០២៤ សាលារៀនជាង ១,៥០០កន្លែង ត្រូវបានអញ្ជើញឲ្យចូលរួមទំាងប្រធានមហាវិទ្យាល័យ ប្រធានមន្រ្តីសិក្សា ព្រឹទ្ធបុរសសិស្ស និងព្រឹទ្ធបុរសចូលរៀន បានតែងតាំងរហូតដល់ ១៥ ស្ថាប័នជាមួយនឹងកម្មវិធីល្អបំផុតក្នុងវិស័យចំនួន ៨ ៖ បទពិសោធន៍ឆ្នាំទីមួយ សហប្រតិបត្តិ/កម្មសិក្សា សហគមន៍សិក្សា ជាន់ខ្ពស់ Capstone ការសិក្សាសេវាកម្ម ការសិក្សា នៅបរទេស បរិញ្ញាបត្រស្រាវជ្រាវ/គម្រោងច្នៃប្រឌិត និងការសរសេរក្នុងវិន័យ៕
