កេនយ៉ា៖ ប្រទេសកេនយ៉ាកំពុងធ្វើជាម្ចាស់ផ្ទះនៃកិច្ចប្រជុំកំពូលពាណិជ្ជកម្មបាល់ទាត់អាហ្រ្វិក ដើម្បីជំរុញការអភិវឌ្ឍកីឡាបាល់ទាត់ និងកីឡានៅទូទាំងទ្វីប ហើយកិច្ចប្រជុំកំពូលផ្តោតលើវិធីដែលបណ្តាប្រទេសនៅអាហ្វ្រិក អាចទទួលបានអត្ថប្រយោជន៍ពីប្រជាប្រិយភាពឲ្យកើនឡើងឥតឈប់ឈររបស់ការប្រកួតកិច្ចប្រជុំនេះធ្វើឡើងនៅពេលប្រទេស នៅអាហ្វ្រិកខាងកើតត្រៀមធ្វើជាម្ចាស់ផ្ទះនៃការប្រកួតពានរង្វាន់ African Cup of Nations នៅឆ្នាំ ២០២៧ ខណៈប្រទេសម៉ារ៉ុកនឹងធ្វើជាសហម្ចាស់ផ្ទះ World Cup 2030 យោងតាមការចេញផ្សាយពីគេហទំព័រ VN Express ។
ការប្រកួតបាល់ទាត់អន្តរជាតិនាពេលថ្មីៗនេះ ក្រុមអាហ្រ្វិកបានទទួលជោគជ័យដែលមិនធ្លាប់មានពីមុនមក ដូចជាព្រឹត្តិការណ៍ការប្រកួត World Cup 2022 នៅកាតា ក្រុមអាហ្រ្វិក ម៉ារ៉ុក បានឈានដល់វគ្គពាក់កណ្តាលផ្តាច់ព្រ័ត្រជាលើកដំបូង។
អ្នកជំនាញសន្មតថា ភាពជោគជ័យមិនត្រឹមតែមានទេពកោសល្យ និងការខិតខំប្រឹងប្រែងប៉ុណ្ណោះទេ ប៉ុន្តែក៏ជាការវិនិយោគដ៏សំខាន់នៅកម្រិតសហគមន៍ ដើម្បីចិញ្ចឹមបីបាច់ទេពកោសល្យ និងផលិតកីឡាករដែលមានគុណភាពកាន់តែច្រើន។ មូលនិធិបាល់ទាត់សម្រាប់ទ្វីបអាហ្រ្វិក ជាអង្គការដែលលើកកម្ពស់ការវិនិយោគលើវិស័យកីឡា បានប្រមូលផ្តុំមន្ត្រីរដ្ឋាភិបាល តំណាងលីគ និងអ្នកជំនាញមកពីអឺរ៉ុប និងប្រេស៊ីល ដើម្បីជួយអាហ្វ្រិកបង្កើនកម្មវិធីបាល់ទាត់របស់ខ្លួន និងទាញយកអត្ថប្រយោជន៍នៃប្រជាប្រិយភាពរបស់កីឡានេះ។
ស្ថាបនិក Brian Wesaala បានប្រាប់ការជួបជុំនេះថា ទ្វីបអាហ្រ្វិកត្រូវចាត់វិធានការយ៉ាងម៉ឺងម៉ាត់ ព្រោះវាអាចនាំទៅរកភាពចម្រុងចម្រើនផ្នែកសេដ្ឋកិច្ច។ លោកបានបន្តថា វាជាពេលវេលាដ៏ខ្ពស់ដែលបាល់ទាត់បានចាប់ផ្តើមធ្វើឲ្យសង្គម និងសេដ្ឋកិច្ច ជាពិសេសសម្រាប់ទ្វីបអាហ្រ្វិក។ យើងបន្តលើកកម្ពស់ទេពកោសល្យរបស់យើង យើងបន្តជំរុញយុវជនរបស់យើង ប៉ុន្តែនៅពេលយើងមើលទៅបាល់ទាត់ជាឧស្សាហកម្មមួយ ។ វាដល់ពេលហើយដែលយើងទទួលយកភាពជាម្ចាស់នៃការសន្ទនាទាំងនេះ ហើយធ្វើឲ្យវាក្លាយជារបស់យើង ដើម្បីឲ្យពួកយើងរីកចម្រើនជាទ្វីបមួយ។
ប្រធានមូលនិធិ Mohamed Shidiye បាននិយាយថា មានតម្រូវការក្នុងការនាំយកការប្រកួតនេះទៅជិតសហគមន៍។ លោកជឿថា វាអាចធ្វើឲ្យកុមារដើរលើផ្លូវត្រូវ យើងកំពុងព្យាយាមភ្ជាប់ចំណុចនានានៅក្នុងពិភពលោកទាំងមូល ដើម្បីធ្វើឲ្យប្រាកដថា យុវជនមិនថានៅទីណាក៏ដោយ អាចលេងបាល់ទាត់ ទាញពួកគេចេញពីការគំរាមកំហែងពីគ្រឿងញៀន និងធ្វើឲ្យពួកគេមានភាពរឹងមាំខាងផ្លូវចិត្ត និងរាងកាយ ដូច្នេះពួកគេក្លាយជាពលរដ្ឋដែលមានទំនួលខុសត្រូវខ្ពស់។
ថ្លែងក្នុងសប្តាហ៍នេះក្នុងកិច្ចប្រជុំរបស់សហព័ន្ធកីឡាបាល់ទាត់អាហ្វ្រិក ឬ CAF នៅប្រទេសអេត្យូពី ប្រធានស្ថាប័នគ្រប់គ្រងបាល់ទាត់ពិភពលោក FIFA បានអំពាវនាវឲ្យបណ្តាប្រទេសអាហ្វ្រិកវិនិយោគលើទេពកោសល្យវ័យក្មេង៕
