ម៉ូស្គូ៖ លោក Sergei Lavrov រដ្ឋមន្ត្រីការបរទេសរុស្ស៊ី បានព្រមានអំពីហានិភ័យនៃការកើនឡើងនុយក្លេអ៊ែរ នៅក្នុងប្រទេសអ៊ុយក្រែន ដោយបានបញ្ជាក់សារជាថ្មីថា រុស្ស៊ីនៅតែបើកចំហចំពោះការចចារគ្នាដដែល ។
នៅក្នុងវីដេអូបទសម្ភាសន៍មួយដែលបានចេញផ្សាយកាលពីថ្ងៃសុក្រ ដោយអ្នកយកព័ត៌មានជនជាតិអាមេរិកឈ្មោះ Tucker Carlson នៅលើវេទិកាប្រព័ន្ធផ្សព្វផ្សាយសង្គម X លោក Lavrov បានពិភាក្សាអំពីប្រទេសរុស្ស៊ី និងសហរដ្ឋអាមេរិក និងទំនាក់ទំនង វិបត្តិអ៊ុយក្រែន និងទិដ្ឋភាពភូមិសាស្ត្រនយោបាយកាន់តែទូលំទូលាយ ។
លោក Lavrov បានសម្តែងការព្រួយបារម្ភយ៉ាងខ្លាំងចំពោះវោហាសាស្ត្រមួយចំនួន របស់មន្ត្រីមួយចំនួននៅក្នុងមន្ទីរបញ្ចកោណ និងអង្គការ NATO អំពីការវាយប្រហារនុយក្លេអ៊ែរ ដែលមានកម្រិតមកលើប្រទេសរុស្ស៊ី ដោយមិនអនុញ្ញាតឱ្យទឹកដីសហរដ្ឋអាមេរិក ចូលរួមក្នុងជម្លោះនុយក្លេអ៊ែរឡើយ ដោយបានសង្កត់ធ្ងន់ថា សកម្មភាពបែបនេះអាចឈានទៅរកការកើនឡើងដែលមិនអាចគ្រប់គ្រងបាននោះទេ ។
លោករដ្ឋមន្ត្រីការបរទេសបាននិយាយថា “គោលដៅយោធារបស់រុស្ស៊ី ចង់និយាយថា អ្វីដែលសំខាន់បំផុតគឺការជៀសវាងសង្គ្រាមនុយក្លេអ៊ែរ” ហើយបានសំដៅទៅលើសេចក្តីថ្លែងការណ៍រួមរបស់មេដឹកនាំនៃរដ្ឋអាវុធនុយក្លេអ៊ែរទាំង៥ នៅក្នុងខែមករាឆ្នាំ២០២២ ដែលបានលើកឡើងថា “សង្រ្គាមនុយក្លេអ៊ែរមិនអាចប្រើដើម្បីយកឈ្នះ ហើយមិនត្រូវវាយប្រហារឡើយ” ៕
ប្រែសម្រួលដោយ៖ ម៉ៅ បុប្ផាមករា
