ទីក្រុងអ៊ីស្តង់ប៊ុល ៖ យោងតាមការចេញផ្សាយ ពីគេហទំព័រ VN Express បានប្រាប់ឲ្យដឹងថា ការលាក់ខ្លួននៅក្រោមទីក្រុង អ៊ីស្តង់ប៊ុល ស្ថិតនៅ Basilica Cistern ជាអច្ឆរិយវត្ថុស្ថាបត្យកម្ម ដែលមានអាយុកាល ១,៤០០ ឆ្នាំ ជារឿយៗ ត្រូវបានគេដាក់ឈ្មោះថា ជាវាំងក្រោមដី ដោយបានទាក់ទាញ អ្នកទស្សនា ជាមួយនឹងប្រវត្តិសាស្រ្ត និងការទាក់ទាញភាព យន្តល្បីមកថតនៅទីនេះ។
អាងស្តុកទឹក ឬវាំងក្រោមដីត្រូវបានសាងសង់ឡើង នៅប្រហែលឆ្នាំ ៥៤២ នៃគ.ស ក្នុងរជ្ជកាលរបស់អធិរាជ Byzantine អធិរាជ Justinian I នោះ Basilica Cistern ត្រូវបានរចនាឡើង ដើម្បីផ្គត់ផ្គង់ទឹកដល់ព្រះរាជវាំង និងសំណង់សំខាន់ៗ ក្នុងទីក្រុង Constantinople នាពេលបច្ចុប្បន្ន ទីក្រុងអ៊ីស្តង់ប៊ុល ។ ក្នុងចំណោមអាងស្តុកទឹកក្រោមដី រាប់រយនៅទីក្រុងធំ ជាងគេ និងសំខាន់បំផុត។
បន្ទាប់ពីចក្រភពអូតូម៉ង់ បានចូលកាន់កាប់នៅសតវត្សទី ១៥ អាងទឹកនេះ ត្រូវបានបំភ្លេចចោលរហូត ដល់អ្នករុករកជនជាតិ បារាំង Petrus Gyllius បានរកឃើញវាឡើងវិញនៅសតវត្សទី ១៦ ។ បន្ទាប់ពីការស្តារឡើងវិញ វាបានបើកជាសាធារណៈនៅឆ្នាំ ១៩៨៧ ហើយចាប់តាំងពីពេលនោះមកបាន ក្លាយជាគោលដៅ ទេសចរណ៍ដ៏ពេញនិយមមួយ។
អាងទឹកនេះមានបណ្តោយប្រវែង ១៤០ ម៉ែត្រ និងទទឹង ៧០ ម៉ែត្រ អាងនេះអាចផ្ទុកទឹកបានជាង ៨០,000ម៉ែត្រគូប ដែលគ្រប់គ្រាន់សម្រាប់ទ្រទ្រង់ ប្រជាជនរបស់ទីក្រុងអ៊ីស្តង់ប៊ុល ក្នុងរយៈពេលមួយខែ។ ពិដានរបស់វាត្រូវបានគាំទ្រ ដោយសសរថ្មម៉ាបចំនួន ៣៣៦ ដោយសសរនីមួយៗមានកម្ពស់ប្រហែល ១០ ម៉ែត្រ។
សសរថ្មកែវ និងជើងរបស់វាមានរាងខុសៗគ្នា រៀបចំជា ១២ ជួរ ដែលនីមួយៗមានគម្លាតពីគ្នាពី ៣ ទៅ ៤ ម៉ែត្រ។ ជួរដែលជាប់គ្នាបង្កើតឲ្យមានសម្រស់ នឹកឃើញប្រាសាទបុរាណមួយ ។ សូម្បីតែជាងមួយពាន់ឆ្នាំក្រោយមក ដាននៃកម្រិតទឹកក្រោមដី នៅតែអាចមើលឃើញ នៅលើជួរឈរ ៕
