ភ្នំពេញ៖ នាថ្ងៃទី២៩ ខែធ្នូ ឆ្នាំ២០២៤ ក្រុមបាល់ទាត់ ព្រះខ័នរាជស្វាយរៀងឈរចំណាត់ថ្នាក់លេខ២ លើតារាង នៃព្រឹតិ្តការណ៍កីឡាបាល់ទាត់ ជម្រើសជើងឯកខេមបូឌានព្រីមៀរលីគ២០២៤/២៥ “Cambodian Premier League 2024/25” នៅសប្តាហ៍ទី១៤នេះ ក្រុមបាល់ទាត់ ព្រះខ័នរាជស្វាយរៀងបានយកឈ្នះលើក្រុមបាល់ទាត់វិសាខា ក្នុងលទ្ធផល ១ទល់នឹង ០ ។
ទោះបីក្រុមបាល់ទាត់វិសាខាចាញ់ក្រោមថ្វីជើងក្រុមបាល់ទាត់ ព្រះខ័នរាជស្វាយរៀង ក្នុងលទ្ធផល ១ទល់នឹង ០ក៏ដោយ ក៏ក្រុមបាល់ទាត់វិសាខា ឈរចំណាត់ថ្នាក់លេខ៣ ដោយមាន ២៩ ពិន្ទុ ខណៈក្រុមបាល់ទាត់ ព្រះខ័នរាជស្វាយរៀងឈរចំណាត់ថ្នាក់លេខ ២ ដោយមាន ៣៤ ពិន្ទុ រីឯក្រុមបាល់ទាត់ភ្នំពេញក្រោន ឈរចំណាត់ថ្នាក់លេខ១ ដោយមាន ៤០ ពិន្ទុ។
ចំណែកក្រុមបាល់ទាត់ អង្ករថៃហ្គឺរ ឈរចំណាត់ថ្នាក់លេខ៤ ដោយមាន ២៦ ពិន្ទុ ក្រុមបាល់ទាត់ ណាហ្គាវើលដ៍ ឈរចំណាត់ថ្នាក់លេខ៥ ដោយមាន ២២ ពិន្ទុ។ ដូច្នេះគិតត្រឹមថ្ងៃទី៣០ ខែធ្នូ ឆ្នាំ២០២៤ នេះ រកឃើញក្រុមជើងខ្លាំងទាំង ៤ ក្រុម រួមមានក្រុមបាល់ទាត់ភ្នំពេញក្រោន ក្រុមបាល់ទាត់ ព្រះខ័នរាជស្វាយរៀង ក្រុមបាល់ទាត់វិសាខា និងក្រុមបាល់ទាត់ អង្ករថៃហ្គឺរ៕
