ខេត្តកណ្តាល ៖ នារសៀលថ្ងៃទី៨ ខែមករា ឆ្នាំ២០២៥ ក្រុមបាល់ទាត់ មន្ទីរបណ្តុះបណ្តាលវិជ្ជាជីវៈប៉ះជាមួយក្រុមបាល់ទាត់ SCV FC នៅវគ្គផ្តាច់ព្រ័ត្រ ដើម្បីប្រជែងលើកពាន នៃព្រឹត្តិការណ៍ការប្រកួតកីឡាតង់ និងកីឡាបាល់ទាត់ ខេត្តកណ្តាល អបអរសាទរខួបអនុស្សាវរីយ៍លើកទី៤៦ ទិវាជ័យជម្នះ ៧ មករា ឆ្នាំ១៩៧៩ -៧មករា ឆ្នាំ២០២៥ បន្ទាប់ពីទាំង ២ ក្រុមបានយកឈ្នះលើគូប្រកួត ការប្រកួតនេះ តាមផែនការប្រតិបត្តិ ប្រចាំឆ្នាំរបស់មន្ទីរអប់រំ យុវជន និងកីឡា ខេត្តកណ្ដាល ។
សម្រាប់វគ្គពាក់កណ្តាលវគ្គផ្តាច់ព្រ័ត្រ ក្រុមបាល់ទាត់ SCV FC បានយកឈ្នះលើ ក្រុមបាល់ទាត់ យុវជនវត្តសិរីបន្ទាយដែក ក្នុងលទ្ធផលបច្ចេកទេស ២ ទល់នឹង ០ ចំណែកក្រុមបាល់ទាត់ យុវជនជ្រោយមេត្រីបានចាញ់ក្រោមថ្វីជើងក្រុមបាល់ទាត់ មន្ទីរបណ្តុះបណ្តាលវិជ្ជាជីវៈក្នុងលទ្ធផលបច្ចេកទេស ២ ទល់នឹង ៤។ ដូច្នេះក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ និងក្រុមបាល់ទាត់ SCV FC ឡើងវគ្គផ្តាច់ព្រ័ត្រ ប្រកួតប្រជែងជើងឯក រីឯក្រុមបាល់ទាត់ យុវជនវត្តសិរីបន្ទាយដែក ជួបក្រុមបាល់ទាត់ យុវជនជ្រោយមេត្រីប្រជែង យកចំណាត់ថ្នាក់លេខ ៣ ។
ការប្រកួតកីឡាប៉េតង់ និងកីឡា បាល់ទាត់ អបអរសាទររូបអនុស្សាវរីយ៍លើកទី៤៦ ទិវាជ័យជម្នះ ៧មករា ១៩៧៩-៧មករា ឆ្នាំ២០២៥ ដែលប្រព្រឹត្តិចាប់ពីថ្ងៃទី៣ រហូតដល់ថ្ងៃទី ៨ ខែ មករា ឆ្នាំ២០២៥ លើកីឡា ២ ប្រភេទ កីឡាបាល់ទាត់ និងប៉េតង់។
វិញ្ញាសាកីឡាបាល់ទាត់វ័យចាស់មាន ១៦ ក្រុម (ចំពោះអាយុយោង តាមបទបញ្ជាបច្ចេកទេស នៃការប្រកួត) មាន ១៦ ក្រុម ដោយប្រើរូបមន្ត ប្រកួតចាញ់ធ្លាក់ ដែលធ្វើការ ប្រកួតជាផ្លូវការ ពហុកីឡដ្ឋាន ខេត្តកណ្តាល ចាប់ថ្ងៃពីទី៣តទៅ រួមមានក្រុម បាល់ទាត់ ចំណីគោតួនរី ក្រុមបាល់ទាត់ ME FC ក្រុមបាល់ទាត់ ស្រុកមុខកំពូល ក្រុមបាល់ទាត់ ព្រះនរាយ៍ FC ក្រុមបាល់ទាត់ តាខ្មៅស្រុកយើង ក្រុមបាល់ទាត់ មហាមិត្តក្រុងតាខ្មៅ ក្រុមបាល់ទាត់ វិទ្យាល័យជ័យវរន័្មទី៧ ក្រុមបាល់ទាត់ SCV FC និងក្រុមបាល់ទាត់ យុវជនជ្រោយមេត្រី ។
ក្រុមបាល់ទាត់ ពពកស ក្រុមបាល់ទាត់ យុវជនវត្តសិរីបន្ទាយដែក ក្រុមបាល់ទាត់ ស.ស.យ.កសង្កាត់តាក្លុល ក្រុមបាល់ទាត់ យុវជនអាយុ១៨ឆ្នាំជ័យវរន័្មទី៧ ក្រុមបាល់ទាត់ មន្ទីរបណ្តុះបណ្តាលវិជ្ជាជីវៈ ក្រុមបាល់ទាត់ យុវជនព្រែកត្នោត និងក្រុមបាល់ទាត់ យុវជនស្រុកកណ្តាលស្ទឹង ។
