បរទេស៖ យន្តហោះចម្បាំង F-35 មួយគ្រឿង បានធ្លាក់នៅឯមូលដ្ឋានទ័ពអាកាស Eielson ក្បែរទីក្រុង Fairbanks រដ្ឋ Alaska នៅម៉ោងប្រហែល ១ រសៀលកាលពីថ្ងៃអង្គារ ដោយអាជ្ញាធរបានរាយការណ៍ថា ឧបទ្ទវហេតុនេះបានបណ្តាលឱ្យ “ខូចខាតយ៉ាងសំខាន់” ដល់យន្តហោះ ។ ទោះបីជាយ៉ាងណាក៏ដោយ វីដេអូមួយ ដែលត្រូវបានផ្សព្វផ្សាយ នៅលើអ៊ីនធឺណិតបង្ហាញថា យន្តហោះនេះត្រូវបាន បំផ្លាញទាំងស្រុង ខណៈដែលវាបានធ្លាក់ពីលើអាកាសមកលើផ្លូវរត់។
យោងតាមសារព័ត៌មាន RT ចេញផ្សាយ នៅថ្ងៃទី២៩ ខែមករា ឆ្នាំ២០២៥ បានឱ្យដឹងថា អ្នកបើកយន្តហោះ មិនមានរបួស នោះទេ ហើយត្រូវបានបញ្ជូនទៅកាន់មន្ទីរពេទ្យយោធា Bassett ដើម្បីធ្វើការវាយតម្លៃ។ ការធ្លាក់នេះបានកើតឡើង នៅក្នុងបរិវេណមូលដ្ឋាន ហើយសេវាសង្គ្រោះបន្ទាន់ រួមទាំងរថយន្តសង្គ្រោះបន្ទាន់ និងរថយន្តពន្លត់អគ្គីភ័យ បានឆ្លើយតបយ៉ាង ឆាប់រហ័សផងដែរ ។ ការស៊ើបអង្កេតកំពុងដំណើរ ការដើម្បីកំណត់ពីមូលហេតុ នៃឧបទ្ទវហេតុនេះ។
វីដេអូដ៏គួរឱ្យភ្ញាក់ផ្អើលមួយ ដែលជាក់ស្តែងត្រូវបានថត ដោយបុគ្គលិកមូលដ្ឋាន និងបានលេចធ្លាយតាមអ៊ីនធឺណិត បង្ហាញពីយន្តហោះធ្លាក់ពី លើអាកាស ខណៈដែលអ្នកបើកយន្តហោះ ចុចកៅអីសុវត្ថិភាពចេញ ពីយន្តហោះជាមួយឆ័ត្រ យោងសុវត្ថិភាព ៕
ប្រែសម្រួលៈ ណៃ តុលា
