អាមេរិក៖ យោងតាមការចេញផ្សាយពីគេហទំព័រ RTបានប្រាប់ឲ្យដឹងថា ហាងលក់រថយន្ត Tesla មួយកន្លែងនៅខាងក្រៅទីក្រុងរ៉ូមបានរងការឆាបឆេះយ៉ាងសន្ធោសន្ធៅកាលពីព្រឹកថ្ងៃចន្ទ ដោយយ៉ាងហោចណាស់មានរថយន្តចំនួន១៧ គ្រឿងត្រូវបានបំផ្លាញ និងកន្លែងចតរថយន្តដែលពួកគេចតបានរងការខូចខាតយ៉ាងច្រើន។
យោងតាមរបាយការណ៍របស់ប្រព័ន្ធផ្សព្វផ្សាយអ៊ីតាលី បាននិយាយថា ប៉ូលិសមិនបានចាប់ខ្លួនជនសង្ស័យណាម្នាក់ ឬប្រាប់ពីមូលហេតុនៅពីក្រោយឡើយ។ ក្រុមអ្នកស៊ើបអង្កេតកំពុងពិចារណាលើទ្រឹស្តីជាច្រើន រួមទាំងការដុតបំផ្លាញផងដែរ។
នាយកប្រតិបត្តិក្រុមហ៊ុន Tesla និង SpaceX លោក Elon Musk បានថ្កោលទោសឧបទ្ទវហេតុនេះថា នេះជាអំពើភេរវកម្មដែលភ្ជាប់វាទៅនឹងការបន្តនៃការតវ៉ា និងការវាយប្រហារដោយហឹង្សាលើគ្រឿងបរិក្ខារទៅលើនឹងក្រុមហ៊ុនរថយន្តរបស់លោក និងយានជំនិះឯកជននីមួយៗ។ ខណៈអំពើហឹង្សាប្រឆាំងនឹងក្រុមហ៊ុន Tesla ត្រូវបានបង្ខាំងដំបូងនៅអាមេរិក ការវាយប្រហារបានរីករាលដាលភ្លាមៗនៅទូទាំងពិភពលោក។
ហាងលក់ Tesla ត្រូវបានបំផ្លិចបំផ្លាញនៅទីក្រុងប៊ែកឡាំងកាលពីថ្ងៃចន្ទ នៅពេលសកម្មជន Neue Generation បានបាញ់ថ្នាំពណ៌ផ្លូវចូលរោងចក្រ។ ហាងលក់រថយន្ត Tesla របស់អាល្លឺម៉ង់មួយទៀតដែលមានទីតាំងនៅភាគខាងជើងនៃទីក្រុង Verden បានធ្វើឲ្យមានការចាប់អារម្មណ៍កាលពីចុងសប្តាហ៍នៅពេលរថយន្តចំនួន ៧ គ្រឿងត្រូវបានឆេះ ហើយការស៊ើបអង្កេតលើអគ្គិភ័យកំពុងបន្ត។
នាយក FBI លោក Kash Patel បានព្រមានដោយប្តេជ្ញាថានឹងដាក់ទណ្ឌកម្មអ្នកដែលនៅពីក្រោយឧប្បត្តិហេតុនេះថាកាលពីសប្តាហ៍មុន FBI បានចាប់ផ្តើមក្រុមការងារមួយដើម្បីដោះស្រាយការកើនឡើងនៃឧប្បត្តិហេតុហឹង្សាទាក់ទងនឹង Tesla ។ នៅអាមេរិកមានការវាយប្រហារជាច្រើន រួមមានការបំផ្លិចបំផ្លាញ និងការដុតបំផ្លាញ ត្រូវបានកំណត់ជាផ្លូវការថា ជា អំពើភេរវកម្មក្នុងស្រុក៕
