The Sunsports ចេញផ្សាយនៅថ្ងៃអាទិត្យនេះ បានសរសេរថាក្លឹបយក្សអ៊ីតាលី Juventus បានត្រៀមកញ្ចប់លុយប្រមាណជា១៥០លានផោន ដើម្បីនាំយកកីឡាករខ្សែការពារឆ្នើម របស់ហង្សក្រហម Liverpool កីឡាករ Van Dijk មករួមក្លឹបសាជាថ្មីក្រោយ បរាជ័យម្តងហើយកាលពីលើកមុន។
ក្រោយលួងលោមយកបានកីឡាករល្អឆ្នើមៗ ជាច្រើនរួចមកដូចជា Cristiano Ronaldo និងខ្សែការពារឆ្នើមមាឌធំ De Ligt មកក្លឹប Juventus បានកំណត់ថា Van Dijk នឹងគឺជាកីឡាករគោលដៅសំខាន់ម្នាក់ក្នុងការជួយឲ្យក្លឹបរបស់ខ្លួន អាចលើកពានរង្វាន់ធំបំផុតនៅអ៊ឺរ៉ុប Champion League បានជាមិនខាន។
កាសែត The Sun ដដែលជឿជាក់ថាកីឡាករខ្សែការពារ ហូឡង់វ័យ២៨ឆ្នាំរូបនេះនឹងអាចសម្រេចចិត្ត ក្នុងការចាកចេញពីក្លឹប Liverpool ប្រសិនបើក្លឹបនឹងអាចលើកពានអង់គ្លេស បានជាប្រវត្តិសាស្ត្រនៅរដូវកាលនេះ ដោយបន្ថែមវាជាមួយនឹងពានដែលខ្លួនបានជួយក្លឹបទទួលបានដូចជា Champions League FIFA Club World ClubនិងUefa Super Cupជាដើម៕
ប្រែសម្រួល៖ស៊ុនលី
