ការផ្ទេរទៅកាន់ក្លឹបអ៊ីតាលី Inter Milan របស់កីឡាករវ័យចំណាស់ Ashley Young ទើបតែត្រូវបានធ្វើឡើងកាលពីខែមុនប៉ុណ្ណោះ។ ការបង្ហាញខ្លួនដំបូងឲ្យក្លឹបថ្មី ក្រោមការដឹកនាំរបស់លោ Conte កីឡាកររូបនេះបានវិលទៅជួបជុំមិត្តចាស់ ដូចជា LukakuនិងSanchez ជាដើមផងដែរ។
មានរឿងគួរឲ្យចាប់អារម្មណ៍មួយ បានកើតឡើងនៅពេលដែលកីឡាកររូបនេះ បានចំណាយលុយធ្វើដំណើររបស់អ្នកជំនាញសក់ផ្ទាល់ខ្លួន របស់គេម្នាក់ដែលមានឈ្មោះថាDaniel Johnson ដើម្បីអាចហោះទៅដល់ប្រទេសអ៊ីតាលី ដើម្បីតែកោរសក់របស់ខ្លួនចេញហើយថតបង្អួតបង្ហោះ នៅលើបណ្តាញសង្គមទៀតផង។
កីឡាករវ័យ៣៤ឆ្នាំរូបនេះ បានថតរូបបង្ហោះជាមួយនឹង Johnson ប៉ុន្តែក្នុងន័យថាទីណាក៏ដោយ ក៏លោកមិនដែលភ្លេចអ្នកជំនាញកាត់សក់រូបនេះ ដែរប៉ុន្តែក្រោយមកមានអ្នកចូលទៅ comment ជាច្រើនបែបអស់សំណើចនឹងឌឺដងផងដែរ ។ ខ្លះបាននិយាយថា Young តើអ្នកចំណាយប៉ុន្មានសម្រាប់ Johnson ព្រោះថាបើគេកាត់បែបនេះ នៅអង់គ្លេសគឺអស់តែ៥ដុល្លារនោះទេ ។ ទោះជាយ៉ាងណាក្តី Johnson មិនមែនតែកាត់ឲ្យ Young នោះទេតែគេក៏ជាអ្នកកាត់ម៉ូតសក់ឲ្យកីឡាករល្បីៗ នៅអង់គ្លេសផងដែរដូចជា Martial, Bale និង Lloris ជាដើមផងដែរ៕
ប្រែសម្រួល៖ស៊ុនលី
