សិង្ហបុរី ៖ តុលាការសិង្ហបុរី បានសម្រេចចិត្ត ឲ្យអ្នកជំនួញ អាយុ ៩៧ ឆ្នាំម្នាក់មានសមត្ថភាពផ្លូវចិត្ត គ្រប់គ្រាន់ ក្នុងការរៀបការ ជាមួយដៃគូ ក្រៅអាពាហ៍ពិពាហ៍រយៈពេលវែងរបស់គាត់ ដោយបដិសេធការអះអាង របស់កូនប្រុស របស់គាត់ថា ការថយចុះការយល់ដឹងបានធ្វើឲ្យគាត់មិនអាចធ្វើការសម្រេចចិត្តបែបនេះបាន យោងតាមការចេញ ផ្សាយពីគេហទំព័រ VN Express ។
នេះបើយោងតាមកាសែត South China Morning Post បាននិយាយថា សេចក្តីសម្រេចនេះត្រូវបានចេញនៅដើមខែមករា ឆ្នាំ ២០២៦ ដោយបញ្ចប់ជម្លោះ ផ្លូវច្បាប់រយៈពេលជាច្រើនឆ្នាំរវាងបុរសចំណាស់រូបនេះ និងកូនៗរបស់គាត់លើស្វ័យ ភាពផ្ទាល់ខ្លួន និងទ្រព្យសម្បត្តិដ៏ច្រើនសន្ធឹកសន្ធាប់។
បុរសនេះជាម្ចាស់ក្រុមហ៊ុនគីមីមួយដែលបានបង្កើតឡើងក្នុងទសវត្សរ៍ឆ្នាំ ១៩៦០។ គាត់បានរៀបការនៅឆ្នាំ ១៩៥០ និងមានកូនប្រុស ៣នាក់ ចាប់តាំងពីឆ្នាំ ១៩៧១ មក គាត់មានទំនាក់ទំនងជាមួយលេខាផ្ទាល់ខ្លួនរបស់គាត់ និងមានកូនម្នាក់ជាមួយនាង ។ ភរិយារបស់គាត់បានដឹងអំពីទំនាក់ទំនងនេះ ហើយមិនបានស្វែងរកការលែង លះមុនពេលនាងស្លាប់នៅឆ្នាំ ២០១៤ ទេ។
នេះបើយោងតាម សារព័ត៌មានក្នុងស្រុក Lianhe Zaobao បាននិយាយថា នៅឆ្នាំ ២០១៦ ពីរឆ្នាំបន្ទាប់ពីការ ស្លាប់របស់ភរិយាគាត់ គាត់បានចាប់ផ្តើមរស់នៅជាមួយដៃគូរបស់គាត់។ ជម្លោះនេះបានកើនឡើងនៅពាក់កណ្តាលឆ្នាំ ២០២១ នៅពេលគាត់ដែលមានអាយុ ៩២ ឆ្នាំ នៅពេលនោះបានប្រកាសពីផែនការរៀបការជាមួយប្រពន្ធស្របច្បាប់។
គាត់បាននិយាយថា កូនប្រុសទី២របស់គាត់បានដាក់ញត្តិទៅតុលាការ គ្រួសារដើម្បីរារាំងអាពាហ៍ពិពាហ៍ ដោយស្វែងរកការសម្រេចថា ឪពុករបស់គាត់ខ្វះសមត្ថភាពផ្លូវចិត្ត និងមិនអាចធ្វើការសម្រេចចិត្តដោយឯករាជ្យបាន។ បន្ទាប់ពីដួលនៅផ្ទះក្នុងឆ្នាំ ២០១៧ ឪពុករបស់គាត់បានជួបប្រទះនឹងការធ្លាក់ចុះនៃការយល់ដឹង ត្រូវបានដៃគូរបស់គាត់រៀបចំ និងលែងអាចធ្វើការសម្រេចចិត្ត ដោយឯករាជ្យបានទៀតហើយ៕
