ទីក្រុងញូវយ៉ក៖យោងតាមការចេញផ្សាយពីគេហទំព័រ VN Express បានប្រាប់ឲ្យដឹងថា ចាប់ពីសមាជិកទាំង ៤ របស់ Blackpink នាង Karina និងនាង Ningning សមាជិកក្រុម Aespa រហូតដល់ EJAE ដែលជាសំឡេងមួយនៅពីក្រោយ “KPop Demon Hunters” (2025) របស់ Netflix តារាកូរ៉េជាច្រើនបាននាំមកនូវភាពទាក់ទាញខាងចម្លាក់ និងធាតុផ្សំនៃបេតិកភណ្ឌកូរ៉េមកកាន់កំរាលព្រំ Met Gala នៅថ្ងៃចន្ទ។
តារាកូរ៉េបានចូលរួមព្រឹត្តិការណ៍ម៉ូដប្រចាំឆ្នាំសម្រាប់អ្នក ត្រូវបានអញ្ជើញតែប៉ុណ្ណោះ ដែលបានប្រារព្ធឡើងនៅសារមន្ទីរ Metropolitan Museum of Art ក្នុងទីក្រុងញូវយ៉ក បានរៀបចំឡើងនៅឆ្នាំនេះក្រោមប្រធានបទ “សិល្បៈសម្លៀកបំពាក់” និងក្រមស្លៀកពាក់ “ម៉ូដគឺជាសិល្បៈ”។
សមាជិកទាំង៤ របស់ក្រុមតារាចម្រៀងនារីកូរ៉េខាងត្បូង Blackpink រួមមាននាង Jennie នាង Lisa នាង Rosé និងនាង Jisoo ហើយម្នាក់ៗបានមកដល់នៅទីនេះជាមួយរូបរាងផ្សេងៗគ្នា ដោយបង្ហាញពីការពីតុងតែងខ្លួនបែបសិល្បៈផ្ទាល់ខ្លួនរបស់ពួកគេ។
នាង Jennie ជាឯកអគ្គរដ្ឋទូតសកលសម្រាប់ម៉ាក Chanel បានបង្ហាញខ្លួនក្នុងរ៉ូបពណ៌ខៀវលាយឡំរបស់ម៉ាក Chanel រួមជាមួយនឹងគ្រឿងអលង្ការពណ៌សរបស់ Chanel។ នាង Lisa បានស្លៀកពាក់បែបCouture ដ៏អស្ចារ្យដែលមានដៃអាវបោះពុម្ព 3-D រុំលើស្មារបស់នាង រចនាម៉ូដជាមួយគ្រឿងអលង្ការ Bulgari និងរ៉ូបភ្លឺចែងចាំងដោយ Robert Wun៕
