កូរ៉េខាងត្បូង៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា បញ្ហាមួយដែលមនុស្សជាច្រើនមានជាមួយក្រុម K-Pop ថ្មីមួយចំនួន គឺការបន្តដាក់បញ្ចូលសមាជិកក្រោមអាយុ ក្រៅពីការព្រួយបារម្ភអំពីសុខភាពរបស់តារាចម្រៀងទាំងនេះ ដោយសារតែកាលវិភាគដ៏មមាញឹករបស់ពួកគេ ការព្រួយបារម្ភមួយទៀតដែលមនុស្សជាច្រើនមាន គឺរបៀបដែលក្រុមនេះអាចផ្សព្វផ្សាយ។
ពេលខ្លះក្រុមអាចរួមបញ្ចូលសមាជិកក្រោមអាយុក្នុងខ្លឹមសារ ឬសម្លៀកបំពាក់ ត្រូវចាត់ទុកថា មិនសមរម្យសម្រាប់អាយុរបស់ពួកគេ។ ថ្មីៗនេះ ខ្លឹមសាររបស់ក្រុមចម្រៀងនារី VVS បានបង្កឲ្យមានការជជែកវែកញែកតាមអ៊ីនធើណេត។
VVS បានបង្ហាញខ្លួនជាលើកដំបូងក្រោម MZMC Inc. ខែមេសា ឆ្នាំ ២០២៥ ជាក្រុមមានសមាជិក ៦ នាក់ជាមួយបទ “Tea”។ សមាសភាពក្រុមបានផ្លាស់ប្តូរនាខែមេសា ឆ្នាំ ២០០៦ នៅពេលសមាជិកនាង Jiu បានចាកចេញពីក្រុម ត្រូវបានបញ្ជាក់ភ្លាមៗ បន្ទាប់ពីការវិលត្រឡប់មកវិញថ្មីៗបំផុតរបស់ពួកគេ។
នាថ្ងៃទី ១៧ ខែឧសភា ក្រុមនេះបានចែករម្លែក TikTok ដែលមានសមាជិករាំតាមបទចម្រៀងរបស់ពួកគេ “V.V.$” ជាមួយនឹងឃ្លាថា “ម៉ាក់ Pilates ឬរាងកាយប៊ីគីនីគួរឲ្យស្រលាញ់?” សមាជិកបានស្លៀកពាក់ឈុតហាត់ប្រាណ និងឈុតប៊ីគីនីដើ ម្បីផ្គូផ្គងនឹងទំនុកច្រៀងនៃបទចម្រៀង។
សមាជិកក្រុម VVS រួមមាន នាង Jiwon អាយុ ១៦ ឆ្នាំបានបង្ហាញខ្លួនលើវីដេអូដោយស្លៀកពាក់ឈុតយូហ្គាដៃវែង។ សមាជិកផ្សេងទៀតមានអាយុចាប់ពី ១៩ ដល់ ២២ ឆ្នាំ។ អ្នកខ្លះមានអារម្មណ៍ថា មានប្រតិកម្មច្រើនពេក ដោយពិចារណាថា នាង Jiwon មិនមានពាក្យពេចន៍លើវីដេអូ ហើយមិនបានស្លៀកពាក់តាមរបៀបដែលបង្ហាញឲ្យឃើញពេក៕
