JOHANNESBURG៖ យោងតាមលោកវេជ្ជបណ្ឌិត Oliver Johnson អ្នកសិក្សាផ្នែកសុខភាពសកលនៅ King’s College London បានប្រាប់ឲ្យដឹងថា ហានិភ័យនៃជំងឺអេបូឡាប៉ះពាល់ ដល់អ្នកគាំទ្រ នៅព្រឹត្តិការណ៍ ការប្រកួតកីឡាបាល់ទាត់ពិភពលោក “World Cup” គឺទាប ប៉ុន្តែការត្រួតពិនិត្យសុខភាព និងការរឹតបន្តឹងការ ធ្វើដំណើរកាន់តែខ្ពស់អាចធ្វើឲ្យស្មុគស្មាញដល់ភស្តុភារ។
ការប្រកួតមានក្រុមចំនួន ៤៨ បានពង្រីកឡើង ក្នុងការអភិឌ្ឍនកីឡាបាល់ទាត់ ដែលសហធ្វើជាម្ចាស់ផ្ទះ ដោយសហរដ្ឋអាមេរិក កាណាដា និងម៉ិកស៊ិក នឹងដំណើរការចាប់ពីថ្ងៃទី ១១ ខែមិថុនា ដល់ថ្ងៃទី ១៩ ខែកក្កដា។ ខណៈការផ្ទុះឡើងនៃជំងឺអេបូឡានៅភាគខាងកើតសាធារណរដ្ឋប្រជាធិបតេយ្យកុងហ្គោ បានកត់ត្រាករណីសង្ស័យ ប្រហែល ៦០០ ករណី និងការស្លាប់ជាង ១៣០ នាក់ ដែលជំរុញឲ្យអង្គការ សុខភាពពិភពលោកប្រកាសអាសន្នសុខភាពសាធារណៈជាកង្វល់អន្តរជាតិ។
ស្ថានភាពនេះបានរំខានដល់ការរៀបចំព្រឹត្តិការណ៍ ការប្រកួត World Cup របស់សាធារណរដ្ឋប្រជាធិបតេយ្យ កុងហ្គោរួចហើយ។ ក្រុមនេះបានលុបចោលព្រឹត្តិការណ៍មុនការប្រកួតនៅ Kinshasa និងបានផ្លាស់ប្តូរផែនការទៅកាន់ប្រទេសបែលហ្ស៊ិក។
អាជ្ញាធរសហរដ្ឋអាមេរិកក៏បានហាមឃាត់អ្នកកាន់លិខិតឆ្លងដែនដែលមិនមែនជាជនជាតិអាមេរិក បាននៅសាធារណរដ្ឋប្រជាធិបតេយ្យកុងហ្គោ អ៊ូហ្គង់ដា ឬស៊ូដង់ខាងត្បូងក្នុងរយៈពេល ២១ ថ្ងៃកន្លងមកនេះ មិនឲ្យចូលប្រទេសឡើយ ដែលបង្ខំឲ្យបុគ្គលិកដែលមានមូលដ្ឋាននៅកុងហ្គោចាកចេញមុន។ ក្រុមនេះគ្រោងនឹងមកដល់អាមេរិកនៅថ្ងៃទី ១០ ឬ ១១ខែមិថុនា ហើយនឹងមានមូលដ្ឋាននៅទីក្រុងហ៊ូស្តុន។
លោក Johnson បានប្រាប់ Reuters ថា ប្រសិនបើអ្នកជាអ្នកទស្សនាព្រឹត្តិការណ៍ បាល់ទាត់ពិភពលោកធម្មតាមកពីជុំវិញពិភពលោក ខ្ញុំគិតថាមានហានិភ័យទាបណាស់ ដែលអ្នកនឹងប្រឈមនឹងហានិភ័យ នៃជំងឺអេបូឡា។ ជំងឺអេបូឡាមិន បង្កឲ្យមានការចម្លងក្នុងប្រទេស មានប្រាក់ចំណូលខ្ពស់នោះទេ ដែលមានករណីឆ្លងម្តងម្កាល។
នោះគឺដោយសារតែវាមិនឆ្លងតាមអាកាស ហើយជាធម្មតាអ្នកត្រូវមានទំនាក់ទំនងផ្ទាល់ជាមួយអ្នកដែលឈឺធ្ងន់ ហើយជាធម្មតាមានការ តាមដានទំនាក់ទំនងល្អ។ ប្រសិនបើករណីកើតឡើង វានឹងត្រូវបានកំណត់យ៉ាង ឆាប់រហ័ស។ លោក Johnson បានបន្ថែមថា ការផ្ទុះឡើងនៃជំងឺនេះនៅតែអាចមានផលវិបាក កាន់តែទូលំទូលាយ។
អាជ្ញាធរសហរដ្ឋអាមេរិកបានណែនាំការត្រួតពិនិត្យកាន់តែប្រសើរឡើងសម្រាប់អ្នកធ្វើដំណើរដែលមកដល់ទីក្រុងវ៉ាស៊ីនតោន ឌូល ដែលទើបតែបានទៅដល់ប្រទេស ដែលរងផលប៉ះពាល់ ខណៈភ្នាក់ងារសុខាភិបាល កំពុងធ្វើការជាមួយ FIFA និងមន្ត្រីមូលដ្ឋាន ដើម្បីគ្រប់គ្រងហានិភ័យ ដែលអាចកើតមាន៕
