កូរ៉េខាងត្បងូ៖តារាចម្រៀង អ្នកនិពន្ធបទចម្រៀង និងតារាសម្តែងកូរ៉េខាងត្បូង នាង Lee Ji-eun ហៅ IU បានបង្ហាញថា បញ្ហាសុខភាព ដែលកំពុងបន្តរបស់នាងកាន់តែអាក្រក់ទៅៗ ដែលបង្ខំឲ្យនាងធ្វើការផ្លាស់ប្តូរយ៉ាងសំខាន់ចំពោះកាលវិភាគនាពេលខាងមុខរបស់នាង យោងតាមការចេញ ផ្សាយពីគេហទំព័រ koreaboo ។
នាថ្ងៃទី ២០ ខែកក្កដា តារាចម្រៀង និងតារាសម្តែងរូបនេះ បានប្រកាសតាមរយៈវេទិកាអ្នកគាំទ្រ Berryz ថា នាងនឹងលុបចោលការប្រគំតន្ត្រី ដែលបានគ្រោងទុករបស់នាង នៅខែកញ្ញានៅ Goyang និង ពន្យារពេលការចេញអាល់ប៊ុមថ្មីរបស់នាង ដោយសារតែរោគសញ្ញា កាន់តែអាក្រក់ទៅៗនៃរោគសញ្ញាបំពង់ Eustachian patulous។
នាងIU បានពន្យល់ថា នាងបានដោះស្រាយ ជាមួយស្ថានភាពនេះអស់រយៈពេលជាច្រើនឆ្នាំមកហើយ ប៉ុន្តែថ្មីៗនេះបានកត់សម្គាល់ឃើញការ ធ្លាក់ចុះគួរឲ្យកត់សម្គាល់នៃសុខភាពរបស់នាង ។ ដោយសារតែស្ថានភាពរបស់នាង អ្នកជំនាញផ្នែកវេជ្ជសាស្ត្របានណែនាំ IU ថា ការបន្តការប្រគំតន្ត្រី និងការសម្តែងនឹងពិបាកសម្រាប់ពេលបច្ចុប្បន្ន ។
រួមជាមួយនឹងការលុបចោលការប្រគំតន្ត្រី ការចេញអាល់ប៊ុមពេញលេញទីប្រាំមួយរបស់ IU ក៏ត្រូវបានពន្យារពេលផងដែរ៕
