កូរ៉េខាងត្បូង ៖ យោងតាមការចេញផ្សាយពីគេហទំព័រ koreaboo បានប្រាប់ឲ្យដឹងថា តារា K-Pop នាង Woni ដែលកំពុងរះថ្មី ជាប់ពាក់ព័ន្ធនឹងពាក្យចចាមអារ៉ាម អំពីការធ្វើបាប ក្នុងអំឡុងពេលសិក្សារបស់នាង ដែលជំរុញឲ្យមានការឆ្លើយតបពីគ្រូបង្រៀន ថ្នាក់រៀនរបស់នាងជាផ្លូវការ។
មុននេះ អ្នកលេងអ៊ីនធើណេតម្នាក់បានចោទប្រកាន់ នៅលើបណ្តាញសង្គមថា សមាជិកក្រុមតារាចម្រៀងនារីកូរ៉េខាងត្បូង RESCENE គឺនាង Woni ធ្លាប់ធ្វើបាបសិស្សសាលាក្នុងអំឡុងពេលសិក្សាថ្នាក់មធ្យមសិក្សា ប៉ុន្តែការបង្ហោះនោះត្រូវបានលុបចោលភ្លាមៗ។
នៅថ្ងៃទី ២ ខែសីហា គ្រូបង្រៀនថ្នាក់មធ្យមសិក្សារបស់ Woni សម្រាប់ថ្នាក់ទី ២ និងទី៣ បាននិយាយអំពីនាង Woni នៅលើបណ្តាញសង្គម X (ដែលពីមុនហៅថា Twitter)។ គ្រូបង្រៀនរូបនេះបានចែករម្លែកអាល់ប៊ុមបញ្ចប់ការសិក្សារបស់ Woni ហត្ថលេខារបស់នាង សំបុត្រដែលនាងបានសរសេរកាលពីនាងនៅជាសិស្ស ហើយក៏បានបង្ហាញ សារគាំទ្រ និងសារ DM ពីគ្រូបង្រៀនផ្សេងទៀត បានបង្រៀននាងនៅថ្នាក់មធ្យមសិក្សា ដោយរំលឹកពីពេលវេលាទាំងនោះ ។
គ្រូបង្រៀនថ្នាក់មធ្យមសិក្សាបាននិយាយអំពីនាង Woni ថា ការវាយតម្លៃការសម្តែងរបស់នាងគឺល្អឥតខ្ចោះជាមួយនឹង ១០០ ពិន្ទុ មានករណីជាច្រើន ដែលនាងទទួលបានពិន្ទុស្ទើរតែល្អឥតខ្ចោះ លើកម្រងសំណួរប៉ុបជាច្រើនជាផ្នែកមួយនៃការវាយតម្លៃទាំងនេះ។ នាងគឺជាសិស្សដ៏មានទេពកោសល្យម្នាក់ដែលក៏បានបម្រើការ ជានាយកប្រតិបត្តិនៃក្រុមប្រឹក្សាសិស្ស។
គ្រូបង្រៀនរូបនេះក៏បានចែករម្លែករូបថត របស់ Woni ដឹកនាំយុទ្ធនាការទប់ស្កាត់អំពើហិង្សានៅសាលារៀននៅចំពោះមុខសិស្សានុសិស្សទាំងមូល ដោយបន្ថែមថា សិស្សក្នុងរូបថតបានរក្សា ទំនាក់ទំនងជិតស្និទ្ធសូម្បីតែ បន្ទាប់ពីបញ្ចប់ការសិក្សាក៏ដោយ រួមទាំងមិត្តរួមថ្នាក់របស់នាង Woni ។ ភាគច្រើននៃពួកគេបានធ្វើដំណើរកម្សាន្តមួយយប់ពីរថ្ងៃ ជាមួយគ្នាម្តងទៀតនៅក្នុងខែកុម្ភៈឆ្នាំនេះ។ ពួកគេជាសិស្សដ៏មានតម្លៃសម្រាប់ខ្ញុំ ហើយនៅតែជាមិត្តល្អចំពោះគ្នាទៅវិញទៅមក។ Woni មិនអាចចូលរួមបានទេដោយសារតែកាលវិភាគរបស់នាង”។
ជាមួយនឹងការបង្ហោះនេះ ពាក្យចចាមអារ៉ាមអំពី Woni ជាមនុស្សធ្វើបាបត្រូវបានបញ្ចប់ ។
ទន្ទឹមនឹងនេះ RESCENE ជាក្រុមដែលនាង Woni ជាសមាជិក បានបន្តភាពជោគជ័យរបស់ខ្លួនជាមួយនឹងបទចម្រៀងចំណងជើង “LOVE ATTACK” ពីអាល់ប៊ុមខ្នាតតូចរបស់ពួកគេ SCENEDROME បានចេញផ្សាយ នៅខែសីហា ឆ្នាំ២០២៤ បានឡើងលើតារាងចម្រៀងវិញ ដើម្បីដណ្តើមយកចំណាត់ថ្នាក់លេខមួយ នៅលើ Inkigayo។ ពួកគេក៏ទទួលបានមកុដពីរលើការផ្សាយតន្ត្រី ជាមួយនឹងបទចម្រៀងថតឡើងវិញរបស់ពួកគេ “Pretty Girl” ៕
