វៀតណាម ៖ លោក Gianni Infantino ប្រធាន FIFA បានទៅទស្សនាការដ្ឋានសាងសង់ពហុកីឡដ្ឋាន PVF ដែលមានកៅអីអង្គុយចំនួន ៦០,០០០ កន្លែងនាថ្ងៃទី ២៧ ខែសីហា ឆ្នាំ២០២៦ ដែលជាការឈប់សម្រាកចុងក្រោយនៃដំណើរទស្សនកិច្ចរយៈពេល ២ ថ្ងៃរបស់លោកទៅកាន់ប្រទេសវៀតណាម យោងតាមការចេញផ្សាយពីគេហទំព័រ VN Express ។
លោកត្រូវបានអមដំណើរដោយលោក Mattias Grafström អគ្គលេខាធិការ FIFA លោក Tran Quoc Tuan ប្រធានសហព័ន្ធបាល់ទាត់វៀតណាម និងតំណាងសហព័ន្ធបាល់ទាត់អាស៊ាន។ មន្ត្រីស្វីសរូបនេះបានចំណាយពេលប្រហែល ១៥ នាទីក្នុងការដ្ឋាន ដោយត្រួតពិនិត្យផ្នែកនីមួយៗ និងវឌ្ឍនភាពនៃការសាងសង់ ព្រមទាំងនិយាយជាមួយវិស្វករ និងកម្មករ។
ការសាងសង់ពហុកីឡដ្ឋាន PVF ស្ថិតនៅឃុំ Nghia Tru ខេត្ត Hung Yen បានចាប់ផ្តើមនៅថ្ងៃទី ១៩ ខែតុលា ឆ្នាំ២០២៥ ហើយត្រូវបានគ្រោងនឹងបញ្ចប់នៅខែមីនា ឆ្នាំ ២០២៧ ដោយមានក្រសួងសន្តិសុខសាធារណៈជាអ្នកវិនិយោគ និង Vinhomes JSC ជាអ្នកម៉ៅការ។ ទីលានសម្រាប់បាល់ទាត់ជាក់លាក់នេះនឹងមិនមានផ្លូវរត់ទេ។ ដំបូលដែកអាចដកថយបានរបស់វាមានទម្ងន់ជាង ៨,៦០០ តោន ហើយបើក ឬបិទដោយស្វ័យប្រវត្តិក្នុងរយៈពេល ១២ ទៅ ២០ នាទី។
លោក Infantino បាននិយាយថា លោកអាចដឹងពីរូបរាងនៃទីលានដែលបានបញ្ចប់រួចហើយ ហើយបានហៅវាថា ជាការទម្លាយថ្មីមួយក្នុងហេដ្ឋារចនាសម្ព័ន្ធកីឡាសម្រាប់ប្រទេសវៀតណាម ជាកន្លែងមួយ ដែលដាក់ប្រទេសនេះឲ្យធ្វើជាម្ចាស់ផ្ទះនៃការប្រកួត និងព្រឹត្តិការណ៍ទ្រង់ទ្រាយធំ។
នៅពេលដែលដំណើរការ PVF នឹងក្លាយជាពហុកីឡដ្ឋានធំជាងគេក្នុងប្រទេសវៀតណាម ហើយធំជាងពហុកីឡដ្ឋានជាតិ My Dinh ដែលមានកៅអីអង្គុយចំនួន ៤០,០០០ នៅទីក្រុងហាណូយ។ វានឹងក្លាយជាទីកន្លែងទី ៣ នៅអាស៊ីអាគ្នេយ៍មានដំបូងអាចដកថយបាន បន្ទាប់ពីពហុកីឡដ្ឋានជាតិសិង្ហបុរី និងពហុកីឡដ្ឋានអន្តរជាតិហ្សាកាតា ដែលបានបើកដំណើរការនៅឆ្នាំ ២០២២ មានកៅអីអង្គុយចំនួន ៨២,០០០៕
