ស៊ីបេរី៖ បក្សីទឹកកកមួយក្បាល ត្រូវបានថែរក្សាយ៉ាងល្អដោយអ្នកប្រមាញ់ហ្វូស៊ីល បានគិតថា វាបានស្លាប់កាលពីម្សិលមិញបានប្រែទៅជា មានអាយុ ៤៦,០០០ ឆ្នាំគិតចាប់ពីពាក់កណ្ដាលយុគសម័យទឹកកក ចុងក្រោយនេះបើយោងតាមការចេញផ្សាយ ពីគេហទំព័រឌៀលីម៉ែល។
សំណាកដែលជាបុព្វបុរស នៃបក្សីសម័យទំនើប Horned lark ត្រូវបានគេរកឃើញនៅក្នុង រូងភ្នំមួយនៅជិតអណ្តូងរ៉ែក្បែរភូមិ Belaya Gora ភាគពាយព្យនៃស៊ីបេរី។ Horned lark ជាធម្មតាកាន់កាប់ទីជម្រកបើកចំហ ដូចជាត្រូវបានគេរកឃើញនៅស៊ីបេរីត្រឡប់មកវិញ នៅយុគសម័យទឹកកកចុងក្រោយ។
“ Icebird” – ដូចដែលអ្នកស្រាវជ្រាវបានឲ្យឈ្មោះវាថា ជា “ញី” ហើយគិតថា ជាឧទាហរណ៏ដែលបានកត់ទុកដំបូងនៃបក្សីកកតាំងពីពេលនេះត្រូវបាន គេរកឃើញនៅតំបន់នោះ។ ក្រុមអ្នកស្រាវជ្រាវជឿជាក់ថា សត្វនេះទំនងជាស្លាប់ដោយអហិង្សា មុនពេលវាកកជាជោគវាសនា ដែលរារាំងវាមិនឲ្យរលួយអស់រាប់ពាន់ឆ្នាំ។
អ្នកជំនាញខាងសត្វនៃសារមន្ទីរ ប្រវត្តិសាស្រ្តធម្មជាតិស៊ុយអែត និងសហការីត្រូវបានផ្តល់ឲ្យ បក្សីនេះដើម្បីសិក្សា បន្ទាប់ពីវាត្រូវបានគេរកឃើញ កប់នៅក្រោមដីដោយអ្នកប្រមាញ់ភ្លុក និងហ្វូស៊ីលក្នុងស្រុក។ គេបានរកឃើញនៅពេលអ្នកប្រមាញ់កំពុងរូងចូលទៅក្នុងអាងកម្រាលថ្មនោះ គ្រោងឆ្អឹងកកត្រូវបានដាក់នៅក្រោមដីប្រហែល ៧ ម៉ែត្រ។
សាស្រ្តាចារ្យDalén និងសហការីរបស់លោក គឺNicolas Dussex នៃមជ្ឈមណ្ឌលសម្រាប់សត្វពាហនៈ នៅទីក្រុងស្តុកខុមធ្វើការវិភាគដោយប្រុងប្រយ័ត្ននូវអដ្ឋិធាតុដែលមាននៅក្នុងមន្ទីរពិសោធន៍របស់ពួកគេ៕ដោយ៖លី ភីលីព
