តូក្យូ៖ប្រព័ន្ធផ្សព្វផ្សាយ និងអ្នកជំនាញជប៉ុនបានកត់សម្គាល់ថា ប្រជាជន និងភ័ស្តុភារ នៅក្នុងប្រទេសចិនបានចាប់ផ្តើម ទទួលបានភាពរឹងមាំឡើងវិញ ដោយសារតែសេដ្ឋកិច្ច កំពុងបង្ហាញសញ្ញានៃការងើបឡើងវិញយ៉ាង ឆាប់រហ័សពីផលប៉ះពាល់បណ្តោះ អាសន្ននៃ COVID-19យោងតាមការចេញផ្សាយពីគេហទំព័រ ឆៃណាឌៀលី។
អ្នកស្រាវជ្រាវនៅវិទ្យាស្ថានស្រាវជ្រាវ NLI លោក Kokichiro Mio របស់ប្រទេសជប៉ុនបាននិយាយថា កាលពីមុនរដ្ឋាភិបាលចិនបានរក្សាសកម្មភាព សេដ្ឋកិច្ចរួមទាំងផលិតកម្ម និងការប្រើប្រាស់ដល់កម្រិតអប្បបរមាចាំបាច់ដើម្បីទប់ស្កាត់ ការផ្ទុះឡើងនៃជំងឺ COVID-19។ លោកបានបន្តថា ឥឡូវនេះការរីករាលដាលនៅ ក្នុងប្រទេសចិនកំពុងថយចុះ ហើយប្រទេសចិនកំពុងព្យាយាមធ្វើឲ្យមានសកម្មភាពសេដ្ឋកិច្ចរបស់ខ្លួនឡើងវិញដោយកត់សម្គាល់ថា សេដ្ឋកិច្ចចិនកំពុងធ្លាក់ចុះបន្តិចម្តង ៗ ។ ប្រសិនបើលំហូរប្រជាជន និងភ័ស្តុភារដឹកទំនិញវិលត្រឡប់មករកកម្រិតមុននោះល្បឿននៃការងើបឡើងវិញនៃសេដ្ឋកិច្ចនឹងមានភាពអស្ចារ្យ។
យោងតាមរបាយការណ៍របស់ក្រុមហ៊ុន Nikkei ប្រមាណ ៨០ ភាគរយនៃ ក្រុមហ៊ុនជប៉ុនដែលត្រូវបានស្ទង់មតិបាននិយាយថា រោងចក្ររបស់ពួកគេនៅប្រទេសចិនបាន វិលត្រឡប់ទៅរកកម្រិតផលិតកម្មធម្មតាវិញ។ ទីភ្នាក់ងារសារព័ត៌មានក្យូដូបានរាយការណ៍ នាពេលថ្មីៗនេះថា ចាប់តាំងពីចុងខែមីនារោងចក្រផលិតរថយន្តចំនួន ៤ របស់សាជីវកម្ម Toyota Motor នៅប្រទេសចិនបានដំណើរការប្រតិបត្តិការធម្មតាឡើងវិញ ដោយសមត្ថភាពផលិតកម្មរបស់ពួកគេបានស្ទុះឡើងដល់កម្រិតដែលពួកគេមានមុន ថ្ងៃឈប់សម្រាកបុណ្យចូលឆ្នាំចិន៕ ដោយ៖លី ភីលីព
